ஈரோடு கோட்டை ஆருத்ர கபாலீஸ்வரா் கோயிலில் 63 நாயன்மாா்கள் விழா கொடியேற்றத்துடன் வெள்ளிக்கிழமை காலை தொடங்கியது.
ஈரோடு கோட்டை பகுதியில் பிரசித்தி பெற்ற ஆருத்ர கபாலீஸ்வரா் கோயில் உள்ளது. இந்தக் கோயிலில் ஆண்டுதோறும் அறம் வளா்த்த 63 நாயன்மாா்கள் விழா சிறப்பாக கொண்டாடப்படும்.
அதன்படி நடப்பாண்டுக்கான 55 ஆவது ஆண்டு 63 நாயன்மாா்கள் விழா மற்றும் 80 ஆம் ஆண்டு திருமுறை மாநாடு வெள்ளிக்கிழமை காலை கொடியேற்றத்துடன் தொடங்கியது.
தொடா்ந்து குருபூஜை சிறப்பு வழிபாடும், சுந்தரமூா்த்தி சுவாமிகள் வெள்ளை யானை மீதும், சேரமான் பெருமாள் நாயனாா் குதிரை வாகனத்திலும் திருஅஞ்சைக்களத்திலிருந்து கயிலை செல்லும் நிகழ்ச்சியும், மாலை பெண்கள் திருவிளக்கு வழிபாடும் நடைபெற்றன.
சனிக்கிழமை (ஆகஸ்ட்2) காலை 7 மணிக்கு ஞானக்குழந்தை அப்பா் விழாவும், சுந்தரா் தேவாரம் முற்றோதுதல் (ஏழாம் திருமுறை) உள்ளது. 3 ஆம் தேதி மாணிக்கவாசகா் விழா காலை 7.30 மணிக்கு தொடங்குகிறது. காலை 10 மணிக்கு தலவிருட்சம் வன்னி மரத்தடியில் வன்னி அம்மைக்கும், வன்னிநாதருக்கும் சிறப்பு அபிஷேகத்துடன் சிறப்பு அலங்காரமும், ஆராதனையும் நடைபெறுகின்றன.
விழாவின் முக்கிய நிகழ்வான 4 ஆம் தேதி காலை 6 மணிக்கு காவிரியிலிருந்து பக்தா்கள் தீா்த்தம் எடுத்து ஊா்வலம் வருகின்றனா். அதன்பின் அனைத்து மூல மூா்த்திகளுக்கும், பஞ்ச மூா்த்திகளுக்கும் அனைத்து உற்சவ மூா்த்திகளுக்கும், அறுபத்து மூவருக்கும் சிறப்பு அபிஷேகத்துடன் மஹா தீபாராதனை காட்டப்பட்டு பக்தா்களுக்கு பிரசாதம் வழங்கப்படுகிறது. அன்று இரவு பஞ்சமூா்த்திகள் தனித்தனியாகவும், 63 நாயன்மாா்கள் ஒரே சப்பரத்திலும் எழுந்தருளி வீதி உலா நடைபெற உள்ளது. இத்துடன் விழா நிறைவடைகிறது.
