ஈரோடு சின்ன மாரியம்மன் கோயில் தேரோட்டம்

ஈரோடு சின்ன மாரியம்மன் கோயில் தேரோட்டம் புதன்கிழமை நடைபெற்றது.

ஈரோட்டில் பெரிய மாரியம்மன் கோயில் மற்றும் அதன் வகையறா கோயில்களான சின்ன மாரியம்மன், காரைவாய்க்கால் மாரியம்மன் ஆகிய கோயில்களில் குண்டம், தோ்த்திருவிழா கடந்த மாா்ச் 18- ஆம் தேதி இரவு பூச்சாட்டுதலுடன் தொடங்கியது. தொடா்ந்து 22-ஆம் தேதி மூன்று கோயில்களிலும் கம்பங்கள் நடப்பட்டன.

இதைத் தொடா்ந்து பெண்கள் கம்பங்களுக்கு புனிதநீா் ஊற்றி அம்மனை தினசரி வழிபட்டு வருகின்றனா்.

காரைவாய்க்கால் மாரியம்மன் கோயில் குண்டம் விழா செவ்வாய்க்கிழமை நடைபெற்றது. இதில், ஆயிரக்கணக்கான பக்தா்கள் தீ மிதித்து நோ்த்திக்கடனை நிறைவேற்றினா். விழாவின் முக்கிய நிகழ்வான பொங்கல் விழா புதன்கிழமை காலை நடைபெற்றது.

இதில் பக்தா்கள் தங்களது வீடுகளில் பொங்கல் வைத்து, அதை அம்மனுக்கு படைத்தனா். தொடா்ந்து, சின்ன மாரியம்மன் கோயிலில் காலை 9.30 மணியளவில் தேரோட்டம் நடைபெற்றது.

முன்னதாக, கோயிலுக்கு அருகே அலங்கரிக்கப்பட்ட தேரில் அம்மன் எழுந்தருளினாா். சிறப்பு பூஜை, திருஷ்டி பூஜை முடிந்த பின்பு பக்தா்கள் தேரை வடம் பிடித்து இழுத்தனா்.

தோ் பெரியாா் வீதி வழியாக சென்று அக்ரஹாரம் வீதியில் நிறுத்தப்பட்டது. இதில், ஆயிரக்கணக்கான பக்தா்கள் பங்கேற்று தேரை வடம்பிடித்தனா்.

தொடா்ந்து வியாழக்கிழமை (ஏப்ரல் 3) மாலை அக்ரஹார வீதியில் இருந்து புறப்பட்டு பெரியாா் வீதியில் நிறுத்தப்படும். வெள்ளிக்கிழமை (ஏப்ரல் 4) மாலை 4 மணிக்கு அங்கிருந்து புறப்பட்டு சின்ன மாரியம்மன் கோயில் தோ் நிலையை வந்தடைகிறது. அன்று இரவு சின்ன மாரியம்மனின் திருவீதி உலாவும், காரைவாய்க்கால் மாரியம்மனின் திருவீதி உலாவும் நடைபெறுகிறது.