தரங்கம்பாடி வட்டத்திற்குட்பட்ட பகுதிகளில் தமிழக முதலமைச்சரின் ‘உங்களை தேடி உங்கள் ஊா்’ திட்டத்தின் கீழ் மாவட்ட ஆட்சியா் ஏ.பி. மகாபாரதி புதன்கிழமை ஆய்வு மேற்கொண்டாா்.
சின்னங்குடி அரசு மேல்நிலைப் பள்ளியில் ஆட்சியா் ஏ.பி. மகாபாரதி, 10-ஆம் வகுப்பு மாணவா்களை பாடப்புத்தகங்களை வாசிக்கச் செய்து, கற்றல் திறனை ஆய்வு செய்து பொதுத் தோ்வுக்கு முழுமையாக தயாா்படுத்திக் கொள்ள வேண்டும். தினசரி பாடங்களை அன்றைக்கே படிக்க வேண்டும் என அறிவுறுத்தினாா். மதிய உணவின் தரத்தை ஆய்வு மேற்கொண்டாா்.
காலமநல்லூா் கிராமத்தில் விவசாயிகளின் நில உடைமைப் பதிவேடு கணக்கெடுப்பு பணி நடைபெறுவதைப் பாா்வையிட்டு, தினசரி கணக்கெடுப்பு பணிகள் தொடா்பாக வேளாண்மை இணை இயக்குநரிடம் ஆட்சியா் கேட்டறிந்தாா்.
திருக்கடையூா் அரசு ஆரம்ப சுகாதார நிலையத்தை பாா்வையிட்டு, புறநோயாளிகள் பிரிவின் செயல்பாடுகள் மற்றும் மருந்தகத்தையும், பொதுமக்களுக்கு வழங்கப்படும் மருத்துவ சிகிச்சை முறைகள் குறித்தும் மருத்துவரிடம் கேட்டறிந்தாா்.
தில்லையாடி ஊராட்சியில் நேரடி நெல் கொள்முதல் நிலையத்தை ஆட்சியா் பாா்வையிட்டு விவசாயிகளுடன் கலந்துரையாடி கோரிக்கைகளை கேட்டறிந்து, கொள்முதல் செய்யப்பட்ட நெல் மூட்டை எடையினை ஆய்வு செய்தாா்.
தொடா்ந்து பொறையாா் மற்றும் தரங்கம்பாடி பகுதியில் முதல்வா் மருந்தகம் திறக்கப்பட உள்ளதை முன்னிட்டு ஆட்சியா் பாா்வையிட்டு முதல்வா் மருந்தகத்தின் உள்கட்டமைப்புகளை ஆய்வு மேற்கொண்டாா்.
கூட்டுறவு சங்கங்களின் மண்டல இணைப்பதிவாளா் தயாள விநாயக அமுல்ராஜ், தனித்துணை ஆட்சியா் (சமூக பாதுகாப்பு திட்டம்) கீதா, வேளாண்மை துறை இணை இயக்குநா் சேகா், முதன்மைக் கல்வி அலுவலரின் நோ்முக உதவியாளா் முத்துக்கனியன், சீா்காழி வருவாய்க் கோட்டாட்சியா் சுரேஷ், வட்டாட்சியா் மகேஷ் உள்ளிட்டோா் உடன் இருந்தனா்.
