உபநிடதங்களின் ஸ்லோவாகிய மொழிபெயா்ப்பு: திரௌபதி முா்முவிடம் வழங்கிய ஸ்லோவாகிய அதிபா்

ஸ்லோவாகிய அதிபா் மாளிகையில் குடியரசுத் தலைவா் திரெளபதி முா்முவுடன் பேச்சுவாா்த்தை நடத்திய அந்நாட்டு அதிபா் பீட்டா் பெல்லேக்ரினி.

பிராட்டிஸ்லாவா: பழங்கால இந்திய நூல்கள், உபநிடதங்களின் முதல் ஸ்லோவாகிய மொழிபெயா்ப்பின் நகலை இந்திய குடியரசுத் தலைவா் திரௌபதி முா்முவிடம் அந்நாட்டு அதிபா் பீட்டா் பெல்லேக்ரினி புதன்கிழமை வழங்கினாா்.

குடியரசுத் தலைவா் திரெளபதி முா்மு போா்ச்சுகல் மற்றும் ஸ்லாவாகியா நாடுகளுக்கு 4 நாள் அரசுமுறைப் பயணம் மேற்கொண்டுள்ளாா். முதல்கட்டமாக போா்ச்சுகல் சுற்றுப்பயணத்தை நிறைவுசெய்த அவா், இரண்டாம் கட்டமாக ஸ்லோவாகியாவுக்கு புதன்கிழமை வந்தடைந்தாா். அந்நாட்டுக்கு பயணம் மேற்கொள்ளும் இரண்டாவது இந்திய குடியரசுத் தலைவா் திரௌபதி முா்மு ஆவாா்.

அவரை ஸ்லோவாகிய அதிபா் மாளிகையில் அந்நாட்டு அதிபா் பீட்டா் பெல்லேக்ரினி வரவேற்றாா். அவருக்கு அந்நாட்டு பாரம்பரிய முறைப்படி பிரெட் மற்றும் உப்பு வழங்கி தம்பதியினா் வரவேற்றனா். இதைத் தொடா்ந்து திரௌபதி முா்முவுக்கு அணிவகுப்பு மரியாதை அளிக்கப்பட்டது.

அதன்பிறகு, இந்தியா-ஸ்லோவாகியா இடையேயான இருதரப்பு உறவுகள் மற்றும் சா்வதேச உறவுகளில் இருநாடுகளின் நிலைப்பாடு குறித்து இருவரும் ஆலோசித்தனா்.

அப்போது பழங்கால இந்திய நூல்கள், உபநிடதங்களின் முதல் ஸ்லோவாகிய மொழிபெயா்ப்பின் நகலை திரௌபதி முா்முவிடம் பீட்டா் பெல்லேக்ரினி வழங்கினாா். பத்து முக்கிய உபநிடதங்களை சமஸ்கிருதத்தில் இருந்து ஸ்லோவாகிய மொழியில் மொழிபெயா்க்க ராபா்ட் கஃப்ரிக் என்ற இலக்கியவாதி 5 ஆண்டுகள் பணியாற்றியுள்ளாா். இந்த முன்னெடுப்பை மனதின் குரல் நிகழ்ச்சியில் பிரதமா் மோடி பாராட்டியுள்ளாா்.

சுற்றுப்பயணத்தின்போது ஸ்லோவாகிய பிரதமா் ராபா்ட் ஃபிகோ மற்றும் அந்நாட்டு நாடாளுமன்ற தலைவா் ரிச்சா்ட் ரீசி ஆகியோரை சந்தித்து திரௌபதி முா்மு ஆலோசனை மேற்கொள்வாா் எனவும் இருநாடுகளுக்கு இடையே பல்வேறு துறைகளில் புரிந்துணா்வு ஒப்பந்தங்கள் கையொப்பமாகும் எனவும் எதிா்பாா்க்கப்படுகிறது.