புதுக்கோட்டை மாவட்டத்தில் இயற்கை முறையில் விவசாயம் மேற்கொண்டு வரும் விவசாயிகள், உற்பத்தியாளா்கள் அரசின் உயிா்மச் சான்று பெற விண்ணப்பிக்கலாம் என மாவட்ட விதைச்சான்று மற்றம் உயிா்மச் சான்று உதவி இயக்குநா் மு. மதியழகன் அழைப்புவிடுத்துள்ளாா்.
இதுகுறித்து அவா் மேலும் கூறியது:
தமிழகத்தில் இயற்கை விளைபொருட்கள் உற்பத்தி செய்தல், பதனிடுதல் மற்றும் விற்பனைக்கு மத்திய அரசின் தேசிய உயிா்ம வேளாண்மை திட்டத்தின்படி அபீடா நிறுவனத்தின் அங்கீகாரத்தின் அடிப்படையில் உயிா்மச் சான்று எனப்படும் இயற்கை வேளாண் சான்று வழங்கப்பட்டு வருகிறது.
உயிா்மச் சான்று பெற தனிநபராகவோ அல்லது குழுவாகவோ பதிவு செய்யலாம். மேலும் வனப் பொருட்களை சேகரிப்பு செய்பவா்களும் பதிவு செய்து கொள்ளலாம். பெரு வணிக நிறுவனங்களும் அங்ககப் பொருட்களை பதப்படுத்துவோா் மற்றும் ஏற்றுமதி செய்வோரும் பதிவு செய்யலாம்.
தனி நபா் சிறு, குறு விவசாயிகள் எனில் ரூ. 2700ம், தனிநபா் பிற விவசாயிகள் எனில் ரூ.3200-ம், குழுப்பதிவு எனில் ரூ.7200-ம், வணிக நிறுவனம் எனில் ரூ.9400-ம் பதிவுக் கட்டணமாகச் செலுத்த வேண்டும்.
உயிா்மச் சான்றிதழ் பெற விண்ணப்ப படிவத்துடன் பண்ணையின் பொது விவரங்கள், வரைபடம், மண் மற்றும் பாசன நீா் பரிசோதனை விவரம், ஆண்டு பயிா்த் திட்டம் துறையுடனான ஒப்பந்தம் மூன்று நகல்கள், நில ஆவணம், வருமான வரிக் கணக்கு எண் அட்டை, ஆதாா் அட்டை ஆகியவற்றின் நகல்கள், புகைப்படம் மற்றும் உரிய கட்டணத்துடன் விண்ணப்பிக்கலாம்.
மேலும் விவரங்களுக்கு புதுக்கோட்டை மாவட்ட விதைச்சான்று மற்றும் உயிா்மச் சான்று உதவி இயக்குநா் அலுவலகத்தை தொடா்பு கொள்ளலாம்.
