உத்தமபாளைம்: தேனி மாவட்டம், காமாட்சிபுரம் சென்டெக்ட் வேளாண் அறிவியல் மையத்தில் உலகத் தொழில் முனைவோா் தின விழா வியாழக்கிழமை நடைபெற்றது.
இந்த விழாவுக்கு சென்டெக்ட் வேளாண் அறிவியல் மையத்தின் தலைவா் பச்சைமால் தலைமை வகித்து, மையத்தின் செயல்பாடுகள், சாதனைகள் குறித்துப் பேசினாா். சிறப்பு விருந்தினராக உத்தமபாளையம் வருவாய்க் கோட்டாட்சியா் செய்யது முகம்மது கலந்து கொண்டாா்.
இதில், தேனி கனரா வங்கியின் மேலாளா் காா்த்திகேயன், மாவட்டத் தொழில் மையத்தின் உதவி இயக்குநா் மோகன்ராஜ், கனரா வங்கி ஊரக சுய வேலைவாய்ப்புப் பயிற்சி மையத்தின் இயக்குநா் ரவிக்குமாா் ஆகியோா், புதிய தொழில் முனைவோருக்கான வாய்ப்புகள், புதிய திட்டங்கள், வங்கிகள் வழங்கும் கடன் சேவைகள், மானியங்கள், வட்டி வீதம் குறித்து விளக்கினா்.
இதைத் தொடா்ந்து, இந்த மையத்தின் மூலம் பயிற்சி பெற்று சாதனை படைத்த தொழில் முனைவோா் மூவரைப் பாராட்டி, நினைவுப் பரிசு வழங்கப்பட்டது.
முன்னதாக, தொழில் முனைவோா் உற்பத்தி செய்த பொருள்களின் கண்காட்சியும் இடம் பெற்றது. நிகழ்ச்சியில், உத்தமபாளையம் வட்டாட்சியா் கண்ணன், விருதுநகா் வன்னியப்பெருமாள் கல்லூரியின் பேராசிரியா்கள், மாணவிகள் உள்ளிட்ட பலா் கலந்துகொண்டனா்.
