கிருஷ்ணகிரி மாவட்டம், ஊத்தங்கரை அருகே மேல்மருவத்தூா் கோயிலுக்கு சென்ற தனியாா் பேருந்து கவிழ்ந்து விபத்துக்குள்ளானதில் 47 போ் காயமடைந்தனா்.
தருமபுரி மாவட்டம், பாப்பாரப்பட்டி அருகே உள்ள எட்டியம்பட்டி பகுதியில் இருந்து மேல்மருவத்தூா் செல்வதற்காக மூன்று பேருந்துகளில் பக்தா்கள் வெள்ளிக்கிழமை காலை 7 மணிக்கு சென்றனா். ஊத்தங்கரை அருகே சென்ற போது, ஓட்டுநரின் கட்டுப்பாட்டை இழந்த பேருந்து 20 அடி பள்ளத்தில் கவிழ்ந்தது. இதில், ஓட்டுநா் உள்பட 47 போ் காயமடைந்தனா்.
தகவல் அறிந்த ஊத்தங்கரை காவல் துணை கண்காணிப்பாளா் சீனிவாசன், காவல் ஆய்வாளா் முருகன், போலீஸாா், ஊத்தங்கரை தீயணைப்புத் துறை வீரா்கள் ஆகியோா் விரைந்து சென்று விபத்தில் காயமடைந்தவா்களை மீட்டு ஊத்தங்கரை அரசு மருத்துவமனைக்கு அனுப்பி வைத்தனா். மேல்சிகிச்சை தேவைப்படுவோா் தருமபுரி, கிருஷ்ணகிரி அரசு தலைமை மருத்துவமனைக்கு அனுப்பி வைக்கப்பட்டனா்.
இச்சம்பவம் அறிந்த கிருஷ்ணகிரி மாவட்ட ஆட்சியா் கே.எம்.சரயு, விபத்து நிகழ்ந்த இடத்தைப் பாா்வையிட்டு, ஊத்தங்கரை அரசு மருத்துவமனைக்கு சென்று காயமடைந்தவா்களுக்கு ஆறுதல் கூறினாா்.
கிருஷ்ணகிரி மாவட்ட காவல் கண்காணிப்பாளா் தங்கதுரை, ஊத்தங்கரை சட்டப் பேரவை உறுப்பினா் டி.எம்.தமிழ்செல்வம் ஆகியோா் விபத்து நிகழ்ந்த இடத்தைப் பாா்வையிட்டு, பின்னா், ஊத்தங்கரை அரசு மருத்துவமனைக்கு சென்று காயமடைந்தவா்களுக்கு ஆறுதல் கூறினா். இந்த விபத்து குறித்து ஊத்தங்கரை போலீஸாா் வழக்குப் பதிவு செய்து விசாரணை செய்து வருகின்றனா்.
