எடப்பாடி அருகே சட்ட விரோதமான முறையில் தங்கியிருந்த வங்கதேசத்தவரை போலீஸாா் கைது செய்தனா்.
எடப்பாடி ஒன்றியத்துக்கு உள்பட்ட இருப்பாளி, ராமக் கவுண்டனூா் பகுதியைச் சோ்ந்தவா் துரைசாமி (49). இவா் அப்பகுதியில் செங்கல் சூளை நடத்தி வருகிறாா். இவரது செங்கல் சூளையில் கடந்த மூன்று ஆண்டுகளுக்கு முன்பு அப்துல் அன்சாரி (40) என்பவா் தனது மனைவி மற்றும் மகனுடன் வேலைக்கு சோ்ந்துள்ளாா்.
அப்துல் அன்சாரி அடிக்கடி தனது கைப்பேசி மூலம் வங்கதேசத்தில் உள்ளவா்களை தொடா்பு கொண்டு பேசி வந்ததாகத் தெரிகிறது. இதனை அடுத்து அவரது நடவடிக்கைகளை கண்காணித்த பூலாம்பட்டி போலீஸாா் வெள்ளிக்கிழமையன்று அவரை காவல் நிலையத்திற்கு அழைத்துச் சென்று விசாரணை மேற்கொண்டனா்.
இதில் அவா் வங்கதேசத்தில் உள்ள காஷ்மீரி ஷாத்ஹரா மாவட்டம், ஷியாம்நகா் பகுதியைச் சோ்ந்த ஷபீா் ஷா்தாா் மகன் அசாத்சுமான் தப்லுவ் (38) என்பதும், அவா் கடந்த சில ஆண்டுகளுக்கு முன்பு சட்டவிரோதமான முறையில் மேற்கு வங்க மாநிலத்தில் குடியேறி, அங்கு இந்திய குடியுரிமை உள்ள பெண்ணை திருமணம் செய்து கொண்டு போலியான ஆவணங்கள் மூலம் ஆதாா் உள்ளிட்ட அடையாள அட்டைகளைப் பெற்றதும் தெரியவந்தது.
இதனையடுத்து அவரைக் கைது செய்த பூலாம்பட்டி போலீஸாா், சென்னை புழல் சிறைக்கு கொண்டுசென்றனா். மேலும் எடப்பாடி சுற்றுவட்டாரப் பகுதியில் வெளிநாட்டைச் சோ்ந்த வேறு யாரேனும் சட்டவிரோதமாக தங்கி உள்ளாா்களா என்பது குறித்து போலீஸாா் விசாரணை மேற்கொண்டு வருகின்றனா்.
