எடப்பாடி பழனிசாமி திருப்பூா், பல்லடத்தில் இன்று பிரசாரம்

அதிமுக பொதுச்செயலாளா் எடப்பாடி கே. பழனிசாமி திருப்பூா், பல்லடத்தில் வெள்ளிக்கிழமை நடைபெறும் பல்வேறு நிகழ்ச்சிகளில் பங்கேற்கிறாா்.

இது தொடா்பாக திருப்பூா் மாநகா் மாவட்டச் செயலாளரும், எம்எல்ஏ-வுமான பொள்ளாச்சி வி.ஜெயராமன் தெரிவித்துள்ளதாவது: ‘மக்களைக் காப்போம், தமிழகத்தை மீட்போம்’ என்ற எழுச்சிப் பயணத்தில் திருப்பூரில் நடைபெறும் நிகழ்ச்சிகளில் அதிமுக பொதுச்செயலாளா் எடப்பாடி கே.பழனிசாமி பங்கேற்கிறாா்.

மடத்துக்குளம், தாராபுரம் தொகுதிகளில் பொதுமக்கள் மத்தியில் பேசிய பின்னா், காங்கயம் தொகுதியில் பிரசாரத்தை முடித்துக் கொண்டு வியாழக்கிழமை இரவு திருப்பூா் வருகிறாா். திருப்பூரில் அனுப்பா்பாளையத்தில் உள்ள தனியாா் விடுதியில் தங்கும் அவா் வெள்ளிக்கிழமை காலை 10 மணிக்கு பனியன் தொழில் அமைப்பினா், வா்த்தக அமைப்பினா், விவசாய சங்கப் பிரதிநிதிகள், கைத்தறி, விசைத்தறி தொழில் அமைப்பினா் உள்ளிட்டோருடன் கலந்துரையாடுகிறாா்.

தொடா்ந்து மாலை 4 மணிக்கு திருப்பூா் வடக்குத் தொகுதியில் பி.என். சாலை மேட்டுப்பாளையம் பேருந்து நிறுத்தம் பகுதியிலும் திருப்பூா் தெற்குத் தொகுதியில் மாநகராட்சி அலுவலகம் அருகிலும் பொதுமக்களிடையே உரையாற்றுகிறாா்.

பின்னா், பல்லடத்தில் பிரசாரம் மேற்கொண்டுவிட்டு கோவைக்குச் செல்கிறாா் என்று தெரிவித்துள்ளாா்.