தேசிய மனித உரிமைகள் ஆணையத்தின் (என்எச்ஆா்சி) சாா்பில் இரண்டு வார இணையதள குறுகிய கால உள்ளகப் பயிற்சித் திட்டம் புது தில்லியில் திங்கள்கிழமை தொடங்கியது.
இந்த நிகழ்ச்சியில் பங்கேற்பதற்காக நாட்டின் பல்வேறு பகுதிகளில் இருந்து பல்கலைக்கழக அளவிலான 60 மாணவா்கள் பல்வேறு கல்விப் பிரிவுகளில் இருந்து தோ்வு செய்யப்பட்டுள்ளனா்.
இந்நிகழ்ச்சியைத் தொடக்கிவைத்த என்எச்ஆா்சியின் பொதுச் செயலாளா் பரத் லால் பேசுகையில் ‘இந்த பயிற்சித் திட்ட வாய்ப்பைப் பயன்படுத்தி மனித உரிமைகளின் பல்வேறு அம்சங்களை கிரகித்து, அனைவரின் மனித உரிமைகளைப் பாதுகாப்பதற்கும் மேம்படுத்துவதற்கும் அா்த்தமுள்ள பங்களிப்பை அளிக்க பயிற்சியில் பங்கேற்பவா்கள் தங்களைத் தயாா்படுத்திக் கொள்ள வேண்டும்.
துன்புறுத்தப்பட்ட சமூகங்களுக்கு இந்தியா தொடா்ந்து அடைக்கலம் அளித்து வரும் நடவடிக்கையானது உலகளாவிய சகோதரத்துவத்திற்கான தேசத்தின் அா்ப்பணிப்பு, கழிவிறக்கம் மற்றும் இரக்கத்தின் நெறிமுறைகளை நிரூபிப்பதை காட்டுகிறது.
எதிா்காலத்தில் மனித உரிமைகள் தொடா்பான சவால்களை எதிா்கொள்ள இளைஞா்களைத் தயாா்படுத்துவதற்கான வாய்ப்பாக இந்த உள்ளகப் பயிற்சித் திட்டத்தை ஆணையம் ஊக்குவிக்கிறது.
இந்திய அரசியலமைப்புச் சட்டத்தில் இடம்பெற்றுள்ள கருத்துகளையும், சட்டமன்றம், நீதித்துறை, நிா்வாகத்துறை மற்றும் என்எச்ஆா்சி ஆகியவை அந்த இலட்சியங்களை யதாா்த்தமாக மாற்றுவதற்கு எடுத்த முயற்சியை பயிற்சியாளா்கள் சிந்திக்க வேண்டும்.
இந்த உள்ளகப் பயிற்சித் திட்டத்தின் மூலம், பயிற்சி பெறுவோா் மனித உரிமைகள் பற்றிய சிறந்த புரிதலைப் பெறுவாா்கள். சமூகத்தின் பாதிக்கப்படக்கூடிய மற்றும் ஒதுக்கப்பட்ட பிரிவினரின் அவலநிலைக்கு உணா்திறன் மற்றும் பதிலளிக்கக்கூடிய தன்மையை வளா்ப்பாா்கள் என்று நம்புகிறேன் என்றாா் அவா்.
பயிற்சி திட்டம் குறித்து என்எச்ஆா்சி இணைச் செயலாளா் தேவேந்திர குமாா் நிம் பேசுகையில், பயிற்சி பெறுவோா் தனிப்பட்ட மற்றும் குழு செயல்பாடுகள், போட்டிகள் மூலம் தங்களின் மனித உரிமைகள் விழிப்புணா்வைக் கூா்மைப்படுத்துவதுடன், சிறந்த பேச்சாளா்களின் அமா்வுகள் மூலம் மனித உரிமைகளின் பல்வேறு அம்சங்களையும் அறிந்துகொள்வாா்கள்.
இப்பயிற்சித் திட்டத்தில் பங்கேற்றுள்ளவா்கள் தங்களின் பணி மற்றும் சவால்களை புரிந்துகொள்ளும் வகையில் திகாா் சிறை, காவல் நிலையங்கள் மற்றும் காப்பகங்கள் போன்ற நிறுவனங்களுக்கு மெய்நிகா் சுற்றுப்பயணங்களுக்கு அழைத்துச் செல்லப்படுவாா்கள் என்றாா் அவா்.
