ஐஆா்சிடிசி சாா்பில் ஜோதிா்லிங்கம், சீரடி சிறப்பு ரயில்

ஜோதிா்லிங்கம், சீரடி ஆகிய இடங்களுக்கு 8 நாள்கள் சுற்றுலாத் திட்டத்துடன் இந்திய ரயில்வே கேட்டரிங் மற்றும் சுற்றுலா கழகம் (ஐஆா்சிடிசி) சாா்பில் ‘பாரத் கெளரவ்’ சிறப்பு ரயில் இயக்கப்படுகிறது.

இதுதொடா்பாக ஐஆா்சிடிசி தெற்கு மண்டல குழு பொது மேலாளா் ராஜலிங்கம் பாசு திண்டுக்கல்லில் செய்தியாளா்களிடம் கூறியதாவது:

சுற்றுலாப் பயணிகளுக்காக சிறப்பு ‘பாரத் கௌரவ்’ சுற்றுலா ரயில் இயக்கப்படுகிறது. வருகிற செப். 9-ஆம் தேதி திருநெல்வேலியில் தொடங்கும் இந்த சுற்றுப் பயணம், 16-ஆம் தேதி நிறைவடைகிறது. நாசிக்- பஞ்சவதிரூதிரிம்பகேஷ்வா் கோயில், சீரடி சாய்பாபா கோயில், சனி சிங்கனாப்பூா் ஸ்ரீ சனேஷ்வா் கோயில், பண்டரிபுரம் ஸ்ரீவிட்டல் ருக்மணி கோயில், மந்திராலயம் ஸ்ரீகுருராகவேந்திர சுவாமி கோயில் ஆகிய இடங்களில் தரிசனம் செய்ய பக்தா்கள் அழைத்துச் செல்லப்படுகின்றனா். இந்த சிறப்பு ரயிலில் பயணிக்க ரூ.14,400, ரூ.26ஆயிரம், ரூ.36,500 வீதம் 3 விதமான கட்டணங்கள் நிா்ணயிக்கப்பட்டுள்ளன. சுற்றுலா தலங்களை பாா்வையிடுவதற்கான போக்குவரத்து வசதி, தென்னிந்திய உணவு, சுற்றுலா மேலாளா், தனியாா் பாதுகாவலா் வசதி உள்ளிட்டவை ஐஆா்சிடிசி சாா்பில் ஏற்பாடு செய்து தரப்படும். இந்த ரயில், திருநெல்வேலி, தென்காசி, ராஜபாளையம், சிவகாசி, விருதுநகா், மதுரை, திண்டுக்கல், திருச்சி, விருத்தாசலம், விழுப்புரம், செங்கல்பட்டு, தாம்பரம், சென்னை எழும்பூா் ஆகிய ரயில் நிலையங்கள் வழியாக இயக்கப்படும்.

இதுதொடா்பான கூடுதல் விவரங்களுக்கு 9003140682(சென்னை), 8287931964, 8287931962, 8287932122 (மதுரை), 8287932070 (திருச்சி), 9003140655 (கோயம்புத்தூா்) ஆகிய எண்களில் தொடா்பு கொள்ளலாம்.