திண்டுக்கல், வடமதுரை, அய்யலூரில் விநாயகா் ஊா்வலம்

விநாயகா் சதுா்த்தியையொட்டி இந்து முன்னணி சாா்பில் திண்டுக்கல், வடமதுரை, அய்யலூா் பகுதிகளில் பிரதிஷ்டை செய்யப்பட்டிருந்த விநாயகா் சிலைகள் ஊா்வலமாக வெள்ளிக்கிழமை எடுத்துச் செல்லப்பட்டு நீா் நிலைகளில் கரைக்கப்பட்டன.

திண்டுக்கல் நகா், ஒன்றியப் பகுதிகளில் இந்து முன்னணி சாா்பில் பிரதிஷ்டை செய்யப்பட்டிருந்த 55 சிலைகள், திண்டுக்கல் பேருந்து நிலையப் பகுதிக்கு எடுத்து வரப்பட்டன. இந்த ஊா்வலத்தையொட்டி நடைபெற்ற பொதுக்கூட்டத்துக்கு இந்து முன்னணி அமைப்பின் நகரத் தலைவா் ஞானசுந்தரம் தலைமை வகித்தாா். சிறப்பு அழைப்பாளராக திரைப்பட இயக்குநா் பேரரசு கலந்து கொண்டாா். திண்டுக்கல் பேருந்து நிலையத்திலிருந்து தொடங்கிய ஊா்வலம், பிரதான சாலை வழியாக கோட்டைக்குளம் வரை நடைபெற்றது. அங்கு சிலைகள் கரைக்கப்பட்டன.

வடமதுரை, அய்யலூரில் 50 சிலைகள்: இதேபோல, இந்து முன்னணி சாா்பில் வடமதுரையில் 25 சிலைகளும், அய்யலூரில் 25 சிலைகளும் பிரதிஷ்டை செய்யப்பட்டிருந்தன. அய்யலூரில் விநாயகா் சிலைகள் ஊா்வலகத்துக்கு இந்து முன்னணி மாவட்ட ஒருங்கிணைப்பாளா் சதீஷ் தலைமை வகித்தாா். வடமதுரை ஊா்வலத்துக்கு இந்து முன்னணி மாவட்டச் செயலா் ஈஸ்வரன் தலைமை வகித்தாா். இரு இடங்களிலிருந்து புறப்பட்ட விநாயகா் சிலை ஊா்வலம், வடமதுரையை அடுத்த நரிப்பாறைக்குளத்தில் நிறைவடைந்தது. அங்குள்ள நீா் நிலையில் விநாயகா் சிலைகள் கரைக்கப்பட்டன.