‘ஒரே நாடு ஒரே தோ்தல்’ முறையால் பேரவைத் தோ்தல்கள் முக்கியத்துவம் இழக்கும்: முதல்வா் மு.க.ஸ்டாலின்

சென்னை: ‘ஒரே நாடு ஒரே தோ்தல்’ நடைமுறையால், சட்டப் பேரவைத் தோ்தல்கள் முக்கியத்துவத்தை இழந்து விடும் என்று முதல்வா் மு.க.ஸ்டாலின் எச்சரித்துள்ளாா். இதுகுறித்து, அவா் ‘எக்ஸ்’ தளத்தில் திங்கள்கிழமை வெளியிட்ட பதிவு:

‘ஒரே நாடு ஒரே தோ்தல்’ என்பது இந்தியாவின் பன்முகத்தன்மையையும் ஜனநாயகத்தையும் கொன்றொழித்து விடும். அத்துடன், ‘ஒற்றையாட்சி முறை’ எனும் பேரழிவுக்குள் நாட்டைத் தள்ளிவிடுவதுடன், கூட்டாட்சியியலுக்கும் எதிராகிவிடும். எனவே, நடைமுறைச் சாத்தியமற்ற திட்டமான ‘ஒரே நாடு ஒரே தோ்தல்’ திட்டத்தை இந்தியா உறுதியாக எதிா்க்கும்.

அதிபா் தோ்தல்?: அதிபா் தோ்தல் நடத்துவது போன்று பொதுத் தோ்தல்களை நடத்தும் உள்நோக்கத்துடன் இந்தத் திட்டத்தை மத்திய பாஜக அரசு திணிக்கிறது. இது நமது அரசமைப்பின் ஆன்மாவுக்கு எதிரானது. நாடாளுமன்றத்தில் அறிமுகப்படுத்த முன்மொழியப்பட்டுள்ள சட்ட மசோதா நிறைவேற்றப்பட்டு செயல்பாட்டுக்கு வரக் கூடாது. நமது நாடு அராஜகத்துக்குள்ளும் முழுமையான அதிகாரத்துக்குள்ளும் நழுவி விழுந்து விடாமல் தடுக்கவும், குறிப்பிட்ட கால இடைவெளியில் தோ்தல்களை நடத்தவும் அரண்கள் போன்ற அமைப்பை அரசமைப்புச் சட்டத்தை வடித்தவா்கள் ஏற்படுத்தியுள்ளனா். ஆனால், ‘ஒரே நாடு ஒரே தோ்தல்’ கொண்டு வரப்பட்டால், அந்த அரண்கள் நீக்கப்படும். மாநில சட்டப் பேரவைத் தோ்தல்கள் முக்கியத்துவத்தை இழந்துவிடும். மாநில உணா்வுகளும், பன்முகத் தன்மையும் அழிக்கப்படும்.

பெரும்பான்மை இல்லை: இந்திய அரசியலை என்றென்றைக்குமாக மாற்றியமைத்து விடக் கூடிய முக்கியத்துவம் வாய்ந்த இத்தகைய சட்டத்தை

நிறைவேற்றுவதற்கான பெரும்பான்மை பலம் பாஜக-வுக்கு இல்லை. ஆனாலும், பழிவாங்கும் எண்ணத்துடனும், நாட்டின் வளா்ச்சியைப் பாதிக்கும் மையமான பிரச்னைகளை எதிா்கொள்வதில் பாஜக அடைந்துள்ள தோல்விகளிலிருந்து கவனத்தை திசை திருப்பவும், ‘ஒரே நாடு ஒரே தோ்தல்’ போன்ற அடாவடி முயற்சியை மத்திய அரசு செய்கிறது.

ஒன்றிணைய வேண்டும்: தோ்தல் சீா்திருத்தம் என்ற பெயரில் திணிக்கப்படும் அத்தகைய அருவருப்பான நடவடிக்கையை தீவிரமாக எதிா்ப்பதில் ஜனநாயக சக்திகள் அனைவரும் ஒன்றியணைய வேண்டும். இந்தியாவை அதன் பன்முகத் தன்மையை அரசமைப்புச் சட்டத்தைப் பாதுகாக்க வேண்டும் என்று முதல்வா் மு.க.ஸ்டாலின் தெரிவித்துள்ளாா்.