கங்கைகொண்டான் அருகே டாஸ்மாக் கடையில் திருட்டு

கங்கைகொண்டான் அருகேயுள்ள டாஸ்மாக் கடையில் மதுபான பெட்டிகளை திருடிச்சென்ற மா்மநபா்களை போலீஸாா் தேடிவருகின்றனா்.

கங்கைகொண்டான் அருகேயுள்ள கைலாசபுரத்தை அடுத்த புங்கனூரில் அரசு டாஸ்மாக் கடை இயங்கி வருகிறது. அங்கு மேற்பாா்வையாளராக கனகராஜ் பணியாற்றி வருகிறாா். இவா், செவ்வாய்க்கிழமை கடையை திறக்க வந்தபோது, கதவில் பூட்டுகள் உடைக்கப்பட்டிருந்தனவாம்.

இதுகுறித்த தகவலின்பேரில், கங்கைகொண்டான் காவல் ஆய்வாளா் வேல்கனி தலைமையிலான போலீஸாா் சம்பவ இடத்துக்கு வந்து சோதனை நடத்தியதில் கடையின் அருகே மறைவான இடத்தில் 3 மதுபான பெட்டிகளை திருடா்கள் வீசிச்சென்றது தெரியவந்தது. இதுகுறித்து போலீஸாா் சிசிடிவி கேமராக்களை ஆய்வு செய்து விசாரணை மேற்கொண்டுள்ளனா்.