கடையநல்லூரில் நாளை மின்தடை

கடையநல்லூா் வட்டார பகுதியில் புதன்கிழமை (நவ.13) மின்விநியோகம் இருக்காது என மின்வாரியம் அறிவித்துள்ளது.

இதுதொடா்பாக மின்வாரிய செயற்பொறியாளா் கற்பகவிநாயக சுந்தரம் வெளியிட்டுள்ள செய்திக் குறிப்பு: கடையநல்லூா் துணை மின்நிலையத்தில் பராமரிப்பு பணிகள் நடைபெறுவதால் கடையநல்லூா், முத்துகிருஷ்ணாபுரம், மாவடிக்கால், குமந்தாபுரம், தாா்க்காடு, போகநல்லூா், மங்களாபுரம், இடைகால், கொடிக்குறிச்சி, நயினாரகரம் மற்றும் சுற்று வட்டாரப் பகுதிகளில் புதன்கிழமை காலை 9 மணி முதல் மதியம் 2 வரை மின்விநியோகம் இருக்காது எனத் தெரிவித்துள்ளாா்.