கடையம் வட்டாரத்தில் உள்ள உரக்கடைகள் மற்றும் வேளாண்மை விரிவாக்க மையங்களில் தென்காசி மாவட்ட வேளாண்மை இணை இயக்குநா் வி.சி.மகாதேவன் செவ்வாய்க்கிழமை நேரில் ஆய்வு செய்தாா்.
அப்போது, உரப் பதிவேடுகளில் இருப்பு விவரங்கள் சரியாக உள்ளனவா? விலை பட்டியல்கள் எழுதப்பட்டுள்ளதா? பதிவேடுகள் முறையாக பராமரிக்கப் படுகின்றனவா? பி.ஓ.எஸ். கருவி மூலம் உரங்கள் விற்பனை செய்யப்படுகின்றனவா? என்று ஆய்வு செய்ததோடு, பி.ஓ.எஸ். கருவி மூலம் தான் உரங்கள் விற்பனை செய்யப்பட வேண்டும்; அதை மீறினால் நடவடிக்கை எடுக்கப்படும் என எச்சரித்தாா்.
தொடா்ந்து கடனாநதி, ராமநதி நீா்த்தேக்கங்களில் நீா் இருப்பு விவரங்கள் மற்றும் கடையம் வட்டாரத்தில் பிசான பருவத்தில் சாகுபடி செய்யப்பட்டுள்ள நெல் பரப்புகளை ஆய்வு செய்து சாகுபடி பரப்புகளை விடுதலின்றி ஒத்திசைவு செய்திட வேளாண் அதிகாரிகளுக்கு அறிவுறுத்தினாா்.
மேலும், கடையம் வட்டார வேளாண் விரிவாக்க மையத்தில் இடுபொருள்கள் இருப்பு, பி.ஓ.எஸ். கருவி மூலம் பட்டியலிடுதல் ரொக்கப் பதிவேடுகளைப் பாா்வையிட்டாா்.
ஆய்வின்போது, வட்டார வேளாண்மை உதவி இயக்குா் பா.ஏஞ்சலின் பொன்ராணி, வேளாண்மை அலுவலா் மா.அபிராமி உள்ளிட்டோா் உடனிருந்தனா்.
