கலைஞா் கைவினைத் திட்டம்: குறு, சிறு, நடுத்தரத் தொழில்முனைவோா் விண்ணப்பிக்கலாம்

மயிலாடுதுறை மாவட்டத்தில் ‘கலைஞா் கைவினைத் திட்டத்தின்கீழ் விண்ணப்பங்கள் வரவேற்கப்படுகின்றன.

இதுகுறித்து மாவட்ட ஆட்சியா் ஏ.பி. மகாபாரதி வெளியிட்ட செய்திக்குறிப்பு:

குறு, சிறு மற்றும் நடுத்தரத் தொழில் நிறுவனங்கள் துறை மூலம் புதிய தொழில்முனைவோா்களை உருவாக்கும் சீரிய நோக்கத்துடன் தமிழக முதல்வரால் டிச. 11-ஆம் தேதி இத்திட்டம் அறிமுகப்படுத்தப்பட்டது. இத்திட்டத்தில் கடன்பெற 35 வயது முதல் 55 வயது நிரம்பியவராக இருக்க வேண்டும். ரூ. 3,00,000 லட்சம் வரை பிணையற்ற கடன் உதவி பெறலாம். அதிகபட்ச மானிய தொகை ரூ. 50,000. பின்முனை வட்டி மானியமாக 5 சதவீதம் வழங்கப்படும்.

இத்திட்டத்தின்கீழ் தையற் கலைஞா், மண் பாண்டம் வனைவோா், சிற்ப கைவினைஞா், தச்சு வேலை செய்வோா், பூ தொடுப்போா், பூ அலங்காரம் செய்வோா், சிகை அலங்காரம் செய்வோா், அழகுகலை நிபுணா், பாய் பின்னுவோா், கூடை முடைவோா், மூங்கிலால் ஆன பொருள்கள் செய்வோா், நெசவு செய்வோா், துணி வெளுப்போா், சாயமிடுவோா், கட்டடம் கட்டும் வேலை செய்வோா், தோல் பொருள்கள் செய்வோா், உலோக பொருள்கள் செய்வோா், தங்கம் மற்றும் வெள்ளி நகைகள் செய்வோா் உள்ளிட்ட அரசால் நிா்ணயிக்கப்பட்ட 25 கைவினைத் தொழில்களில் ஈடுபட்டவா்கள் விண்ணப்பித்து பயன் பெறலாம்.

ஆதாா் அட்டை, வங்கி கணக்கு விவரங்கள், நலவாரிய அட்டை, பான் காா்டு, விலைப்புள்ளி, சாதி சான்றிதழ், தகுந்தமுன் அனுபவச்சான்று (5 வருடம்) மற்றும் புகைப்படம் ஆகிய ஆவணங்களுடன், ம்ள்ம்ங்ா்ய்ப்ண்ய்ங்.ற்ய்.ஞ்ா்ஸ்.ண்ய் என்ற இணையதளத்தில் விண்ணப்பித்து இரண்டு விண்ணப்ப நகல்களுடன் உரிய ஆவணங்களை இணைத்து மாவட்ட தொழில் மையம், மாவட்ட ஆட்சியரக வளாகம், மயிலாடுதுறை (4-ஆம் தளம்) அலுவலகத்தில் சமா்ப்பிக்க வேண்டும். மேலும் விவரங்களுக்கு பெற 04364-212295 என்ற தொலைபேசி எண்ணில் தொடா்பு கொள்ளலாம்.