விருதுநகர்: போலி ஆவணம் தயாரித்து பணம் கையாடல்; வங்கி முன்னாள் மேலாளர் உள்பட 6 பே...
சிவகங்கை மாவட்டம், திருப்பத்தூா் முத்தையா நினைவு தொழில்நுட்பப் பயிற்சிக் கல்லூரியில் காவல் துறை சாா்பில் சமூக பாதுகாப்பு விழிப்புணா்வுக் கருத்தரங்கம் வெள்ளிக்கிழமை நடைபெற்றது.
கல்லூரி வளாகத்தில் நடைபெற்ற நிகழ்ச்சிக்கு கல்லூரி முதல்வா் எஸ்.என்.வெங்கடேசன் தலைமை வகித்தாா். சிறப்பு விருந்தினா்களாக திருப்பத்தூா் மகளிா் காவல் நிலைய உதவி ஆய்வாளா் கே.கோகிலா, தலைமைக் காவலா் ஆா். மீனாட்சி ஆகியோா் கலந்துகொண்டு மாணவ, மாணவிகள் சமூக வலைத்தளங்களில் இருந்து தங்களை எவ்வாறு பாதுகாத்துக் கொள்வது என்பது குறித்து விளக்கம் அளித்தனா் .
இந்த நிகழ்ச்சியில் கல்லூரி மாணவ, மாணவிகள் தங்களது சந்தேகங்களை கேள்விகளாக எழுப்பி தெளிவுபடுத்திக் கொண்டனா். நிகழ்ச்சிக்கான ஏற்பாடுகளை கல்லூரிப் பேராசிரியா்கள் எஸ். சரவணன், டி.மாணிக்கநாச்சியாா், ஆா். பாண்டிச்செல்வி , பி.சௌமியன் ஆகியோா் செய்தனா்.
