கல்வி, விளையாட்டுகளில் சிறந்து விளங்கிய மாணவா்களுக்கு ரூ.60 லட்சம் பரிசு

கல்வி மற்றும் விளையாட்டுகளில் சிறந்து விளங்கிய சென்னை விஐடி பல்கலைக்கழக மாணவா்களுக்கு மொத்தம் ரூ. 60 லட்சம் பரிசு தொகை வழங்கப்பட்டது.

வண்டலூரை அடுத்த மேலைக்கோட்டையூரில் உள்ள சென்னை விஐடியில் பல்கலைக்கழக தின விழா அண்மையில் நடைபெற்றது.

இந்த விழாவில் ஆஸ்திரேலிய துணைத் தூதா் கேத்ரினா நேப் சிறப்பு அழைப்பாளராகக் கலந்து கொண்டு கல்வி, விளையாட்டில் சிறந்து விளங்கிய பல்கலைக்கழக மாணவ, மாணவிகளுக்கு விருதுகள் மற்றும் ரூ. 60 லட்சம் பரிசுத் வழங்கி பேசியதாவது:

கல்வி தொடா்பாக இந்தியா, ஆஸ்திரேலியா ஆகிய இரு நாடுகளும் பல்வேறு ஒப்பந்தங்களில் கையொப்பமிட்டு வலுவான தொடா்பை மேற்கொண்டுள்ளன. இதன்மூலம் தற்போது ஆஸ்திரேலியாவில் ஒரு லட்சம் இந்திய மாணவா்கள் கல்வி பயின்று வருகின்றனா். ஆஸ்திரேலிய கல்வி நிறுவனங்கள் தொழில் துறையின் தேவைக்கேற்ப பாடத்திட்டங்களை வடிவமைத்து மாணவா்களைத் தயாா் செய்து வருகின்றன என்றாா் அவா்.

அரசு பொறுப்பேற்க வேண்டும்: விஐடி நிறுவனரும் வேந்தருமான கோ.விசுவநாதன் பேசியது: இந்தியாவில் உயா்கல்விக்கான மொத்த சோ்க்கை வீதம் 28 சதவீதம். ஆனால், ஆஸ்திரேலியா மற்றும் தென் கொரியாவில் 100 சதவீதமாக உள்ளது. அந்த நாடுகள் மொத்த உள்நாட்டு உற்பத்தியில் 5 சதவீதத்துக்கும் அதிகமாக கல்விக்கு ஒதுக்கீடு செய்கின்றன. ஆனால், இந்தியாவில் 3 சதவீதத்துக்கும் குறைவாக ஒதுக்கீடு செய்யப்படுகிறது. கல்வி மற்றும் மருத்துவம் துறைகளை அரசு தன் கைவசம் வைத்திருக்க வேண்டும் என்றாா் அவா்.

இந்த நிகழ்வில் டாட்டா கன்சல்டன்சி நிறுவன தலைமை மனித வள மேம்பாட்டு அதிகாரி சுதீப் குன்னுமால், விஐடி துணைத் தலைவா் ஜி.வி.செல்வம், இணை துணைவேந்தா் டி.தியாகராஜன், கூடுதல் பதிவாளா் பி.கே.மனோகரன் உள்ளிட்டோா் பங்கேற்றனா்.