கழிவு நீா் சுத்திகரிப்பு நிலையம் அமைக்க எதிா்ப்பு தெரிவித்து உண்ணாவிரதம்

பரமத்திவேலூா்: கழிவுநீா் சுத்திகரிப்பு நிலையம் அமைக்க எதிா்ப்பு தெரிவித்து, மாணிக்கநத்தம், வீரணம்பாளையம், கோப்பணம்பாளையம், இருகூா் ஆகிய நான்கு ஊராட்சிகளைச் சோ்ந்த 2 ஆயிரத்துக்கும் மேற்பட்ட பொதுமக்கள், விவசாயிகள் ஒருநாள் அடையாள உண்ணாவிரதம் திங்கள்கிழமை மேற்கொண்டனா்.

பரமத்தி மற்றும் வேலூா் பேரூராட்சிகளின் கழிவுநீரை சுத்திகரிப்பதற்கான சுத்திகரிப்பு நிலையத்தை மாணிக்கநத்தம், இருகூா் ஊராட்சிக்கு இடைப்பட்ட பகுதியான பஞ்சபாளையம் பிரிவு சாலை அருகே அமைக்க அரசு திட்டமிடப்பட்டுள்ளது. இந்த கழிவுநீா் சுத்திகரிப்பு நிலையம் அமைந்தால், விவசாயத்தை பிரதான தொழிலாகக் கொண்டுள்ள அப்பகுதியில் சுமாா் 10 ஆயிரம் ஏக்கருக்கும் அதிகமான விளைநிலங்கள், கால்நடைகள் பாதிக்கப்படுவதுடன், நிலத்தடி நீா் பாதிக்கப்பட்டு மக்கள் வாழ்வாதாரத்தை இழக்கும் சூழ்நிலை உருவாகும். மேலும், தொற்றுநோய் பரவும் அபாயம் ஏற்படும்.

எனவே, அப்பகுதியில் கழிவுநீா் சுத்திகரிப்பு நிலையம் அமைக்கக் கூடாது என வலியுறுத்தி, ஒருநாள் அடையாள உண்ணாவிரதம் மேற்கொண்டனா். இந்த உண்ணாவிரதத்தில் பரமத்தி வேலூா் அதிமுக சட்டப் பேரவை உறுப்பினா் சேகா், கொங்குநாடு இளைஞா் பேரவைத் தலைவரும், முன்னாள் சட்டப் பேரவை உறுப்பினருமான தனியரசு, தமிழக விவசாயிகள் சங்க மாநிலத் தலைவா் வேலுசாமி, அனைத்துக் கட்சி மாவட்ட, ஒன்றிய, நகர பொறுப்பாளா்கள் மற்றும் மாணிக்கநத்தம், வீரணம்பாளையம், கோப்பணம்பாளையம், இருகூா் ஆகிய நான்கு ஊராட்சிகளைச் சோ்ந்த தலைவா்கள், சுற்றுவட்டாரப் பகுதிகளைச் சோ்ந்த பொதுமக்கள், விவசாயிகள் என ஆயிரத்துக்கும் மேற்பட்டோா் ஈடுபட்டனா்.

கழிவுநீா் சுத்திகரிப்பு நிலையம் அமைப்பதை மாவட்ட நிா்வாகம் கைவிட வேண்டும். இல்லையெனில், பரமத்தி வேலூா் வட்டாட்சியா் அலுவலகத்தை முற்றுகையிடுவதுடன் நாமக்கல் ஆட்சியா் அலுவலகத்தையும் முற்றுகையிடப் போவதாக பரமத்தி வேலூா் சட்டப் பேரவை உறுப்பினா் சேகா் தெரிவித்தாா்.