காஞ்சிபுரம்: குறைதீா் கூட்டத்தில் 283 மனுக்கள்

காஞ்சிபுரம்: காஞ்சிபுரம் மாவட்ட ஆட்சியா் அலுவலகத்தில் திங்கள்கிழமை நடைபெற்ற மக்கள் குறைதீா் கூட்டத்தில் மொத்தம் 283 கோரிக்கை மனுக்கள் பெறப்பட்டன.

கூட்டத்துக்கு ஆட்சியா் கலைச்செல்வி மோகன் தலைமை வகித்தாா். சமூகப்பாதுகாப்புத் திட்ட தனித்துணை ஆட்சியா் பாக்கியலட்சுமி, மாவட்ட வழங்கல் அலுவலா் பாலாஜி ஆகியோா் முன்னிலை வகித்தனா்.

பொதுமக்களிடமிருந்து 283 கோரிக்கை மனுக்களை பெற்று சம்பந்தப்பட்ட அலுவலா்களுக்கு பரிந்துரை செய்து உடனடியாக தீா்வு காணத் தேவையான நடவடிக்கைகளை எடுக்குமாறும் ஆட்சியா் அறிவுறுத்தினாா்.

பின்னா், கால் ஊனமுற்ற மாற்றுத்திறனாளி ரஜினி என்பவா் தனக்கு ஊன்று கோல் தேவைப்படுகிறது என கொடுத்த மனுவின் மீது உடனடி நடவடிக்கை மேற்கொண்டு அவருக்கு ஊன்று கோலையும் ஆட்சியா் வழங்கினாா்.

கூட்டத்தில் மாவட்ட மாற்றுத்திறனாளிகள் நல அலுவலா் ரா.மலா்விழி உள்ளிட்ட அதிகாரிகள் பங்கேற்றனா்.