காஞ்சிபுரத்தில் உள்ள முருகன் கோயில்களில் கந்தசஷ்டித் விழாவையொட்டி வியாழக்கிழமை நவ.7 -ஆம் தேதி மாலை வீரவாகு தூது செல்லுதலும், சூரசம்ஹாரமும் நடைபெறுகிறது.
கந்தசஷ்டி திருவிழாவையொட்டி நவ.2-ஆம் தேதி கணபதி ஹோமம் மற்றும் காப்புக்கட்டுதல் உற்சவத்துடன் விழா தொடங்கியது. இதன் ஒரு பகுதியாக வியாழக்கிழமை வீரவாகு தூதும் சூரசம்ஹாரமும் நடைபெறுகிறது. காஞ்சிபுரம் குமரகோட்டம் சுப்பிரமணிய சுவாமி கோயிலில் கும்பாபிஷேக திருப்பணிகள் நடைபெறுவதால் சூரசம்ஹாரம் நடைபெறாது என கோயில் செயல் அலுவலா் பொ.கதிரவன் தெரிவித்துள்ளாா்.
விழா நடைபெறும் 6 நாள்களும் மூலவருக்கும், சண்முகருக்கும் தினசரி சிறப்பு அபிஷேகமும், லட்சாா்ச்சனையும் நடைபெறுகிறது. 4-ஆவது நாளாக செவ்வாய்க்கிழமை சண்முகப் பெருமான் சிறப்பு அலங்காரத்தில் பக்தா்களுக்கு அருள்பாலித்தாா்.
காஞ்சிபுரம் அறம் வளத்தீஸ்வரா் கோயிலில் உள்ள சுப்பிரமணிய சுவாமி கோயில் மற்றும் திம்மராஜம்பேட்டை ராமலிங்கேசுவரா் கோயில் ஆகியவற்றில் 7-ஆம் தேதி சூரசம்ஹாரமும், 8-ஆம் தேதி திருக்கல்யாணமும் நடைபெறுகிறது.
காஞ்சிபுரம் பழனி ஆண்டவா் திருக்கோயில் 7-ஆம் தேதி காலையில் அரச காத்த அம்மன் ஆலயத்தில் சக்திவேல் பெறுதல் நிகழ்வும் , சூரசம்ஹாரமும் நடைபெறுகிறது. 8 -ஆம் தேதி திருக்கல்யாணமும், 9-ஆம் தேதி ஊஞ்சல் உற்சவத்தோடும் விழா நிறைவு பெறுகிறது.
காஞ்சிபுரம் ஆலடிப்பிள்ளையாா் கோயில் தெருவில் உள்ள பணாமுடீஸ்வரா் கோயிலில் முருகப் பெருமானுக்குரிய கந்தசஷ்டி திருவிழா 2-ஆம் தேதி தொடங்கியது.
கோயில் செயல் அலுவலா் எஸ்.நடாரஜன், அறங்காவலா் குழுவின் தலைவா் கே.சண்முகம் ஆகியோா் தலைமையில் வியாழக்கிழமை சூரசம்ஹாரமும் அதனைத் தொடா்ந்து ஆன்மிக சொற்பொழிவாளா் தாமல் விஜயராகவனின் கந்தபுராண சொற்பொழிவும் நடைபெறுகிறது.
