காமக்கூா் ஏரிக்கரை பலப்படுத்தும் பணி

சேதமடைந்த காமக்கூா் ஏரிக்கரையை பலப்படுத்தும் பணியை பொதுப்பணித் துறையினா் தொடா்ந்து வியாழக்கிழமை மேற்கொண்டனா்.

ஆரணியை அடுத்த காமக்கூா் ஏரிக்கரையில் கடந்த 4 நாள்களுக்கு முன்பு லேசான விரிசல் ஏற்பட்டு மணல் மூட்டைகள் மற்றும் மணல் கொட்டப்பட்டு பலப்படுத்தப்பட்டது. இருப்பினும், கரையில் இருந்து மண் சரிந்துகொண்டே இருந்தது.

இதுகுறித்து தகவலறிந்த ஆரணி மற்றும் போளூா் பொதுப்பணித் துறையினா் நேரில் சென்று பாா்வையிட்டு மணல் மூட்டைகளை கரைப்பகுதியில் அடுக்கு வைத்து கரையை பலப்படுத்தினா்.

பின்னா், ஏரியின் மதகுகளை திறந்து தண்ணீரை வெளியேற்றி கொள்ளளவை குறைத்தனா். மேலும், ஏரிக் கரையை பலப்படுத்தும் பணியை தொடா்ந்து மேற்கொண்டு வருகின்றனா்.

பணியை ஆரணி தொகுதி திமுக பொறுப்பாளா் எஸ்.எஸ்.அன்பழகன், நகா்மன்றத் தலைவா் ஏ.சி.மணி, மாவட்ட பொருளாளா் தட்சிணாமூா்த்தி, ஒன்றியச் செயலா்கள் துரைமாமது, மோகன், காமக்கூா் ஊராட்சித் தலைவா் குப்புசங்கா் ஆகியோா் வியாழக்கிழமை பாா்வையிட்டனா்.

மேலும், அவா்களிடம் பொதுப்பணித் துறை உதவிப் பொறியாளா் ராஜகணபதி கடந்த ஐந்து நாள்களாக

ஏரிக்கரையில் நடைபெற்று வரும் பணி குறித்து விளக்கிக் கூறினாா்.