கிருஷ்ணகிரி அருகே சாலை விபத்தில் நால்வா் பலி; 3 போ் காயம்!

கிருஷ்ணகிரி மாவட்டம், பா்கூா் அருகே ஞாயிற்றுக்கிழமை நிகழ்ந்த சாலை விபத்தில் 4 போ் உயிரிழந்தனா்.

மகாராஷ்டிரத்திலிருந்து சென்னை, கோயம்பேடு சந்தைக்கு வெங்காயம் ஏற்றி வந்த லாரி, கிருஷ்ணகிரி- சென்னை தேசிய நெடுஞ்சாலை பா்கூரை அடுத்த அத்திமரத்துப்பள்ளம் பகுதியில் ஓட்டுநரின் கட்டுப்பாட்டை இழந்து சாலையின் எதிா்புறம் எருமைகளை ஏற்றிக் கொண்டு கோவை சென்ற வேன் மீது மோதியது.

இந்த விபத்தில் லாரி ஓட்டுநரான மகாராஷ்டிர மாநிலம், சோலாப்பூா், பந்தூரை அடுத்த கதிரி பகுதியைச் சோ்ந்த நாராயணன் (54), வேன் ஓட்டுநா்களான ஆத்தூரைச் சோ்ந்த அருள்ஜோதி (54), ஒட்டன்சத்திரத்தைச் சோ்ந்த மணிகண்டன் ஆகிய மூவரும் நிகழ்விடத்திலேயே உயிரிழந்தனா்.

மேலும், வேனில் பணம் செய்த ஆந்திரத்தைச் சோ்ந்த ராஜேஷ் (31), காதா்பாஷா(56), விஜய் (38), வெங்காயம் பாரம் ஏற்றி சென்ற லாரியில் பயணித்த மகராஷ்டிர மாநிலம், சோலாப்பூரைச் சோ்ந்த பதாமி (40) ஆகியோா் பலத்த காயங்களுடன் கிருஷ்ணகிரி அரசு மருத்துவக் கல்லூரி மருத்துவமனையில் அனுமதிக்கப்பட்டனா்.

இவா்களில் பதாமி என்பவா் மருத்துவமனைக்குச் செல்லும் வழியிலேயே உயிரிழந்தாா். இந்த விபத்தில் 2 எருமை மாடுகளும் உயிரிழந்தன. விபத்து காரணமாக தேசிய நெடுஞ்சாலையில் ஒரு மணி நேரம் போக்குவரத்து பாதிக்கப்பட்டது. பா்கூா் போலீஸாா் விபத்தில் சிக்கிய வாகனங்களை அப்புறப்படுத்தி போக்குவரத்தை சீரமைத்தனா். விபத்து குறித்து போலீஸாா் வழக்குப் பதிந்து விசாரித்து வருகின்றனா்.

எம்எல்ஏ ஆறுதல் கிருஷ்ணகிரி திமுக கிழக்கு மாவட்டச் செயலாளரும், பா்கூா் சட்டப் பேரவை உறுப்பினருமான தே.மதியழகன் விபத்து நிகழ்ந்த இடத்துக்கு விரைந்து சென்று, மீட்பு பணிகளை முடுக்கிவிட்டாா். விபத்தில் காயம் அடைந்து, கிருஷ்ணகிரி அரசு மருத்துவக் கல்லூரி மருத்துவமனையில் அனுமதிக்கப்பட்டவா்களைச் சந்தித்து ஆறுதல் தெரிவித்தாா்.

விபத்து நிகழ்ந்த இடத்தை கிருஷ்ணகிரி மாவட்டக் காவல் கண்காணிப்பாளா் தங்கதுரை ஆய்வு செய்தாா். அப் பகுதியில் விபத்து ஏற்படாமல் இருக்க முன்னெச்சரிக்கை நடவடிக்கைகள் எடுப்பது குறித்து காவல் துறை அலுவலா்களிடம் அவா் ஆலோசனை மேற்கொண்டாா்.