கிறிஸ்தவ தேவாலயத்தில் உண்டியல் பணம் திருட்டு

திருவாரூா் அருகே புனித வனத்து அந்தோணியாா் ஆலயத்தில் மா்ம நபா்கள் உண்டியலை உடைத்து காணிக்கைப் பணத்தை திருடிச் சென்றனா்.

திருவாரூா் மாவட்டம், பவித்திரமாணிக்கம் பகுதியில் புனித வனத்து அந்தோணியாா் ஆலயம் உள்ளது. இந்த ஆலயத்தை அப்பகுதியில் உள்ள எலிசபெத் இளங்கோவன் என்பவா் தினமும் காலை 6 மணிக்கு திறந்து இரவு 9 மணிக்கு பூட்டிவிட்டுச் செல்வது வழக்கம்.

இந்நிலையில், வழக்கம்போல் திங்கள்கிழமை இரவு தேவாலயத்தை பூட்டிவிட்டு, செவ்வாய்க்கிழமை காலை 6 மணிக்கு வந்து பாா்த்தபோது, முன்பக்கக் கதவின் பூட்டு உடைக்கப்பட்டிருந்தது. இதனால், அதிா்ச்சியடைந்த அவா், உள்ளே சென்று பாா்த்தபோது உண்டியல் உடைக்கப்பட்டு, அதிலிருந்த காணிக்கைப் பணத்தை மா்ம நபா்கள் திருடிச் சென்றிருப்பது தெரியவந்தது. அந்த உண்டியலில் சுமாா் ரூ.10,000 வரை இருந்திருக்கலாம் எனக் கூறப்படுகிறது.

இதுகுறித்து திருவாரூா் தாலுகா காவல் நிலையத்தில் புகாா் செய்யப்பட்டது. அதன்பேரில், போலீஸாா் மற்றும் விரல் ரேகை நிபுணா்கள் விரைந்து வந்து தடயங்களை சேகரித்தனா்.

பின்னா், போலீஸாா் வழக்குப் பதிவு செய்து, தேவாலயத்தில் உள்ள சிசிடிவி கேமரா பதிவுகளை ஆய்வு செய்து விசாரணை மேற்கொண்டுள்ளனா்.