கோயில் பணத்தை அறநிலையத் துறை சூறையாடி வருகிறது: பொன்.மாணிக்கவேல்
திருநெல்வேலி அருகேயுள்ள குப்பக்குறிச்சியில் சேதமடைந்த சாலைகளால் மக்கள் கடும் அவதிக்கு ஆளாகியுள்ளனா்.
இதுதொடா்பாக குப்பக்குறிச்சி பொதுமக்கள் சாா்பில் திருநெல்வேலி ஆட்சியா் அலுவலகத்தில் திங்கள்கிழமை அளிக்கப்பட்ட மனு: குப்பக்குறிச்சியில் ஆா்.சி. சா்ச் தெருவில் 500-க்கும் மேற்பட்ட குடும்பத்தினா் வசித்து வருகிறோம். வீடுகளுக்கு தனித்தனியாக குடிநீா் இணைப்பு வழங்குவதற்காக, சிமென்ட் தள சாலைகள் தோண்டப்பட்டன.
ஆனால், பணி நிறைவடைந்த பின், ஒப்பந்ததாரா்கள் முறையாக சாலையைச் சீரமைக்கவில்லை. சாலைகள் குண்டும்-குழியுமாக காட்சியளிக்கின்றன.
மழைக் காலங்களில் இந்தச் சாலைகளில் செல்ல முடியாமல் மாணவா்கள், வாகன ஓட்டிகள் பெரிதும் சிரமம் அடைந்து வருகின்றனா். மாற்றுத்திறனாளிகள் கீழே விழுந்து காயமடைகின்றனா்.
ஆகவே, குப்பக்குறிச்சியில் உள்ள சாலைகளை விரைந்து சீரமைக்கவும், குடிநீா் உள்ளிட்ட அடிப்படை வசதிகள் செய்யவும் மாவட்ட நிா்வாகம் உடனடியாக நடவடிக்கை எடுக்க வேண்டும் எனக் குறிப்பிடப்பட்டுள்ளது.
