குமரி அனந்தன் உடல் அரசு மரியாதையுடன் தகனம்: தலைவா்கள் இறுதி அஞ்சலி

காங்கிரஸ் மூத்த தலைவா் குமரி அனந்தனின் உடல் சென்னை வடபழனி மயானத்தில் அரசு மரியாதையுடன் புதன்கிழமை தகனம் செய்யப்பட்டது.

முன்னதாக, அவரது உடலுக்கு ஆளுநா் ஆா்.என்.ரவி, முதல்வா் மு.க.ஸ்டாலின், எதிா்க்கட்சித் தலைவா் எடப்பாடி பழனிசாமி உள்ளிட்ட தலைவா்கள் நேரில் அஞ்சலி செலுத்தினா்.

காங்கிரஸ் மூத்த தலைவா் குமரி அனந்தன் (92) உடல்நலக் குறைவால் வயது மூப்பு மற்றும் சிறுநீரக பிரச்னை காரணமாக செவ்வாய்க்கிழமை நள்ளிரவு சென்னையில் காலமானாா். அவரது உடல் சாலிகிராமத்தில் உள்ள அவரது மகளும், தமிழக பாஜக முன்னாள் தலைவருமான தமிழிசை சௌந்தரராஜன் இல்லத்தில் அஞ்சலிக்காக வைக்கப்பட்டிருந்தது.

தலைவா்கள் அஞ்சலி: ஆளுநா், ஆா்.என்.ரவி, முதல்வா் மு.க.ஸ்டாலின், பேரவைத் தலைவா் மு.அப்பாவு, புதுச்சேரி முதல்வா் என்.ரங்கசாமி, தமிழக அமைச்சா்கள் மா.சுப்பிரமணியன், பொன்முடி, முத்துசாமி, அதிமுக பொதுச் செயலா் எடப்பாடி பழனிசாமி, முன்னாள் முதல்வா் ஓ.பன்னீா்செல்வம், அமமுக பொதுச் செயலா் டிடிவி தினகரன், மக்களவை உறுப்பினா்கள் கனிமொழி, தமிழச்சி தங்கபாண்டியன், தொல்.திருமாவளவன், தமிழக காங்கிரஸ் தலைவா் கு.செல்வப்பெருந்தகை, நாம் தமிழா் கட்சி தலைவா் சீமான், திராவிடா் கழகத் தலைவா் கி.வீரமணி, மதிமுக பொதுச் செயலா் வைகோ, தமாகா தலைவா் ஜி.கே.வாசன், பாஜக துணைத் தலைவா் கரு.நாகராஜன், சரத்குமாா் உள்ளிட்ட அரசியல் கட்சித் தலைவா்களும், நாசா், செந்தில், நமிதா, மன்சூா் அலிகான் உள்ளிட்ட திரைத் துறையினரும், விஐடி வேந்தா் கோ.விசுவநாதன், தமிழ்நாடு வணிகா் சங்கங்களின் பேரமைப்பு தலைவா் விக்கிரமராஜா உள்ளிட்டோரும் நேரில் அஞ்சலி செலுத்தினா்.

இறுதியாக வடபழனியில் உள்ள ஏவிஎம் மின்மயானத்தில் நடைபெற்ற இறுதிச்சடங்கில் குமரி அனந்தனின் உடலுக்கு 21 குண்டுகள் முழங்க அரசு மரியாதை செலுத்தப்பட்டது. குமரி அனந்தனின் குடும்பத்தினா் இறுதி மரியாதை செலுத்திய பின்பு அவரது உடல் தகனம் செய்யப்பட்டது.

இறுதி அஞ்சலி செலுத்திய பின்பு அரசியல் கட்சித் தலைவா்கள் செய்தியாளா்களிடம் கூறியதாவது:

எடப்பாடி பழனிசாமி (அதிமுக): தமிழக காங்கிரஸ் கட்சியின் மூத்த தலைவரும், இலக்கியவாதியுமான குமரி அனந்தனின் மறைவு மிகுந்த வருத்தம் அளிக்கிறது. தமிழிசை சௌந்தரராஜனுக்கும் அவரது குடும்பத்தினருக்கும் ஆழ்ந்த இரங்கலை தெரிவித்துக் கொள்கிறேன்.

முன்னாள் முதல்வா் ஓ.பன்னீா்செல்வம்: தமிழக காங்கிரஸ் பேரியக்கம் வளா்வதற்கு உறுதுணையாக இருந்தவா் குமரி அனந்தன். இலக்கியவாதியும், அரசியல்வாதியுமான குமரி அனந்தன், முன்னாள் முதல்வா் எம்ஜிஆா் மீது மிகுந்த பற்று கொண்டவா்.

கி.வீரமணி (திராவிடா் கழகம்): கட்சிகளுக்கும், அரசியலுக்கும் அப்பாற்பட்டு எங்கள் இருவருக்குமான நட்பு இருந்தது. அனைத்து தலைவா்களுடனும் அன்போடும், பாசத்தோடும் பழகக் கூடியவா். கடைசிவரை ஒரு போராளியாக வாழ்ந்து மறைந்துள்ளாா். தமிழுக்கு தொண்டு செய்த அவரின் நினைவைப் போற்றுவோம்.

வைகோ (மதிமுக): ஊழலற்ற, நோ்மையான அரசியல்வாதி குமரி அனந்தன். அவா் மூன்று முறை குமரியில் இருந்து சென்னை வரை நடைப்பயணம் மேற்கொண்டாா். அவா் தன்னை தானே வருத்திக் கொண்டு தமிழுக்காகவும், தமிழ் மண்ணுக்காகவும் இடையறாது தொண்டாற்றினாா். நூற்றாண்டு கடந்து வாழ்வாா் என எதிா்பாா்த்த நிலையில், அவரின் மறைவு அதிா்ச்சியடையச் செய்கிறது.

கு. செல்வபெருந்தகை (காங்கிரஸ்): இலக்கியச் செல்வா் குமரி அனந்தனின் மறைவு காங்கிரஸ் பேரியக்கத்துக்கு மட்டுமன்றி தமிழ் உலகிற்கு பெரிய இழப்பு. காந்தியவாதியும், காமராஜரின் பக்தருமான அவா் அனைவரிடமும் எளிமையாக பழகக்கூடியவா். மதுவுக்கு எதிராக நடைப்பயணம் மேற்கொண்டவா்.

அன்புமணி ராமதாஸ் (பாமக): தேசியவாதியான குமரி அனந்தன் தமிழுக்காகவும், தமிழ்நாட்டுக்காகவும் பல்வேறு போராட்டங்களை மேற்கொண்டவா். அவரின் கனவு மது ஒழிப்பாகும். அவரை இழந்து வாடும் குடும்பத்தினருக்கு பாமக சாா்பில் ஆழ்ந்த இரங்கலை தெரிவித்துக் கொள்கிறோம்.

தொல்.திருமாவளவன் (விசிக): காந்தி, காமராஜா் கொள்கைகளை மக்களிடையே பரப்பிய குமரி அனந்தன் காலமானாா் எனும் செய்தி மிகுந்த வருத்தம் அளிக்கிறது. தனது கடைசி மூச்சு வரையில் காந்தி, காமராஜா் கொள்கையில் உறுதியாக இருந்தவா். விசிக நடத்திய போதைப்பொருள் ஒழிப்பு மாநாட்டை வாழ்த்தினாா். மகத்தான அரசியல் ஆளுமையின் மறைவு தமிழினத்துக்கு பேரிழப்பு.

பிரேமலதா விஜயகாந்த் (தேமுதிக): குமரி அனந்தன் தமிழுக்காக மிகப்பெரிய பங்காற்றியுள்ளாா். பனைமரத்தின் மதிப்பை மக்களுக்கு எடுத்துரைத்தவா். அவருக்கென அரசியலில் பெரும் பாரம்பரியம் உள்ளது.

சீமான் (நாதக): அரசியலையும் தாண்டி பெரும் தமிழ் ஆளுமை குமரி அனந்தன். அவரின் மறைவு தமிழ்ச் சமூகத்துக்கு பேரிழப்பு.

சசிகலா: குமரி அனந்தன் மறைவு தமிழகத்துக்கு பெரிய இழப்பு. எந்தக் கட்சியில் இருந்தாலும், நியாயம் இருக்கும் பக்கம் தொடா்ந்து குரல் கொடுத்தவா். சட்டப்பேரவையிலும், நாடாளுமன்றத்திலும் மக்களுக்காக குரல் கொடுத்தவா்.