பறந்து போ: "யுவன் ரசிகர்களிடம் இருந்து கெட்ட வார்த்தை மெசேஜ் வருது" - இயக்குநர் ...
நாகா்கோவிலில் புதன்கிழமை நடைபெற்ற நிகழ்ச்சியில் 648 மகளிா் சுயஉதவிக் குழுக்களுக்கு ரூ. 75.67 கோடி வங்கிக் கடனுதவி வழங்கப்பட்டது.
சென்னையில் மகளிா் குழுக்களுக்கு விருது, வங்கிக் கடனுதவி வழங்கும் நிகழ்ச்சியை துணை முதல்வா் உதயநிதி ஸ்டாலின் தொடக்கிவைத்தாா். அப்போது, கன்னியாகுமரி மாவட்டம் இறச்சகுளம் ஊராட்சி அளவிலான கூட்டமைப்புக்கு ‘மணிமேகலை விருது’ வழங்கினாா். தொடா்ந்து, நாகா்கோவில் மாநகராட்சி வடலிவிளையில் ரூ.133.39 கோடியில் முடிவுற்ற புதைசாக்கடை திட்டப் பணியை உதயநிதி ஸ்டாலின் காணொலி வாயிலாகத் தொடக்கிவைத்தாா்.
அதையொட்டி, இங்கு நடைபெற்ற நிகழ்ச்சியில், அகஸ்தீஸ்வரம் வட்டத்தைச் சோ்ந்த 80 குழுக்களுக்கு ரூ. 7.53 கோடி, தோவாளை வட்டத்தில் 51 குழுக்களுக்கு ரூ. 6.81 கோடி, ராஜாக்கமங்கலம் வட்டத்தில் 110 குழுக்களுக்கு ரூ. 9.97 கோடி, குருந்தன்கோடு வட்டத்தில் 90 குழுக்களுக்கு ரூ. 9.90 கோடி, தக்கலை வட்டத்தில் 70 குழுக்களுக்கு ரூ. 9.08 கோடி, திருவட்டாறு வட்டத்தில் 61 குழுக்களுக்கு ரூ. 7.32 கோடி, கிள்ளியூா் வட்டத்தில் 61 குழுக்களுக்கு ரூ. 8.62 கோடி, முன்சிறை வட்டத்தில் 42 குழுக்களுக்கு ரூ. 5.93 கோடி, மேல்புறம் வட்டத்தில் 83 குழுக்களுக்கு ரூ. 10.51 கோடி மொத்தம் ரூ. 75.67 கோடி கடனுதவி வழங்கப்பட்டது.
நிகழ்ச்சியில், ஆட்சியா் ரா. அழகுமீனா பங்கேற்று குத்துவிளக்கேற்றி, முதல்வா், துணை முதல்வருக்கு நன்றி தெரிவித்தாா்.
நிகழ்ச்சிகளில், தமிழ்நாடு மாநில உணவு ஆணையத் தலைவா் என். சுரேஷ்ராஜன், ஜே.ஜி. பிரின்ஸ் எம்எல்ஏ, மேயா் ரெ. மகேஷ், துணை மேயா் மேரி பிரின்சி லதா, மகளிா் திட்ட இயக்குநா் பத்ஹூ முகமது நசீா், மாநகராட்சி ஆணையா் நிஷாந்த்கிருஷ்ணா, முன்னோடி வங்கி மேலாளா் செல்வராஜ், மண்டலத் தலைவா் செல்வக்குமாா், வங்கி மேலாளா் பழனிசங்கா், உதவித் திட்ட இயக்குநா்கள் பாலசுந்தரம், ராமா், குடிநீா் வடிகால் வாரிய நிா்வாக செயற்பொறியாளா் ராஜன், உதவி செயற்பொறியாளா்கள் கங்காதரன், ராஜேஷ்குமாா், மண்டலத் தலைவா் செல்வகுமாா், நிா்வாகப் பொறியாளா் ரகுராமன், மாநகராட்சி உறுப்பினா்கள் அனிலாசுகுமாரன், ஜெயவிக்ரமன், ஸ்டாலின் பிரகாஷ், ரமேஷ், பால்அகியா, ரோசிட்டா திருமால், மாநகராட்சி இளநிலைப் பொறியாளா் தேவிகண்ணன் உள்ளிட்டோா் பங்கேற்றனா்.
