குற்றவாளியைப் போல இந்தியருக்கு விலங்கிட்ட சம்பவம்: அமெரிக்காவிடம் முறையிட்ட இந்தியா

அமெரிக்க விமான நிலையத்தில் குற்றவாளியைப் போல இந்தியா் ஒருவருக்கு விலங்கிட்டு மோசமாக நடத்திய சம்பவம் குறித்து அமெரிக்காவிடம் இந்தியா முறையிட்டது.

அமெரிக்காவின் நியூவா்க் விமான நிலையத்தில் இந்தியா் ஒருவரை நாடு கடத்தும் முன், அவருக்கு கை விலங்கிட்டு, தரையில் வலுக்கட்டாயமாக குப்புற படுக்கவைத்து குற்றவாளியைப் பிடிப்பது போல அந்நாட்டு அதிகாரிகள் நடந்துகொண்ட விடியோ இணையத்தில் வெளியாகியது (படம்). கைது செய்யப்பட்ட விதம் இந்தியா்கள் இடையே அதிருப்தியை ஏற்படுத்தியது. இந்த விவகாரம் தொடா்பாக அரசு வட்டாரங்கள் கூறியதாவது:

அமெரிக்க அதிகாரிகள் விலங்கிட்ட இந்தியா் ஹரியாணாவைச் சோ்ந்தவா். அவா் உரிய நுழைவு இசைவு (விசா) இல்லாமல், அமெரிக்காவுக்குள் சட்டவிரோதமாக நுழைந்துள்ளாா். அந்நாட்டு உத்தரவுப்படி, அவரை இந்தியாவுக்கு நாடு கடத்தும் நடவடிக்கை மேற்கொள்ளப்பட்டது. இந்த விவரங்களை அமெரிக்காவின் நியூயாா்க் நகரில் உள்ள இந்திய துணைத் தூதரகம் கண்டறிந்தது.

நியூவா்க் வழியாகப் பயணித்தபோது அவரின் நடத்தை பயணத்துக்கு உகந்ததாக இல்லை என்பதை கண்டறிந்த அதிகாரிகள், அவரைத் தங்கள் கட்டுப்பாட்டுக்குள் கொண்டு வந்து மருத்துவமனையில் சோ்த்தனா். அவா் பயணம் செய்வதற்கு ஏற்ற நிலைக்கு வந்தவுடன், அவா் இந்தியாவுக்கு நாடு கடத்தப்படுவாா்.

இந்த விவகாரம் தொடா்பாக மேலும் விவரங்களை தெரிந்துகொள்ள, அமெரிக்க தலைநகா் வாஷிங்டனில் உள்ள இந்திய தூதரகமும், நியூயாா்க்கில் உள்ள இந்திய துணைத் தூதரகமும் அமெரிக்க அதிகாரிகளுடன் தொடா்ந்து தொடா்பில் உள்ளன.

இந்த விவகாரத்தை புது தில்லியில் உள்ள அமெரிக்க தூதரகத்திடம் இந்திய வெளியுறவு அமைச்சகம் எழுப்பியது என்று தெரிவித்தன.