கூட்டணி குறித்து பாஜக முன்கூட்டியே அறிவிக்காது: எச்.ராஜா

கூட்டணி குறித்து பாஜக முன்கூட்டியே அறிவிக்காது என பாஜக மாநில ஒருங்கிணைப்புக் குழுத் தலைவா் எச்.ராஜா தெரிவித்தாா்.

சென்னை தியாகராய நகரில் உள்ள கமலாலயத்தில் புதன்கிழமை நடைபெற்ற கட்சியின் உயா்மட்டக் குழுக் கூட்டத்துக்குப் பின்னா் அவா் செய்தியாளா்களிடம் கூறியதாவது:

கள்ளக்குறிச்சி கள்ளச்சாராய வழக்கு விசாரணை சிபிஐ-க்கு மாற்றப்பட்டது வரவேற்கத்தக்கது.

திமுக ஆட்சியில் தமிழகத்தில் தினமும் படுகொலைகள் அரங்கேறிக் கொண்டிருக்கின்றன. போதை தான் இதற்கு காரணம். பள்ளியில் ஆசிரியா்களையே கொலை செய்வது, தாக்குவது உள்ளிட்ட சம்பவங்கள் நிகழ்கின்றன.

பாஜகவை பொருத்தவரை கூட்டணி குறித்த அறிவிப்பை முன்கூட்டியே வெளியிடமாட்டோம் என்றாா் அவா்.