அதிகாரத்திற்கு அடங்காத போராளி கவிஞர் ஹபீப் ஜாலிப்! கவிதைதான் குற்றம்- 10
தருமபுரி மாவட்டத்தில் கூட்டுறவுத் துறையின் சாா்பில் 38,432 விவசாயிகளுக்கு ரூ. 3.83 கோடி பயிா்க் கடன் வழங்கப்பட்டுள்ளதாக ஆட்சியா் கி.சாந்தி தெரிவித்தாா்.
தருமபுரி மாவட்ட ஆட்சியா் அலுவலக கூடுதல் கூட்ட அரங்கில் நடைபெற்ற விவசாயிகள் குறைதீா்க்கும் நாள் கூட்டத்துக்கு மாவட்ட ஆட்சியா் கி.சாந்தி தலைமை வகித்து பேசியதாவது:
தருமபுரி மாவட்டத்தில் 2024 ஜனவரி முதல் டிசம்பா் வரையிலான காலத்துக்கு இயல்பான மழையளவு 942 மி.மீ. நிகழாண்டு தற்போது வரை 850.32 மி.மீ. மழை பெய்துள்ளது. தருமபுரி மாவட்டத்தில் வேளாண்மை உழவா் நலத்துறையில் 2024-25-ஆம் ஆண்டுக்கு 1,72,280 ஹெக்டோ் பரப்பளவில் நெல், சிறுதானியங்கள், பயிறு வகைகள் உள்ளிட்ட உணவு தானிய பயிா்கள், எண்ணெய் வித்துக்கள், பருத்தி, கரும்பு சாகுபடி பரப்பாக இலக்கு நிா்ணயிக்கப்பட்டதில், இதுவரை 1,51,531 ஹெக்டோ் பரப்பு சாகுபடி செய்யப்பட்டுள்ளது.
2024-ஆம் ஆண்டுக்கு நெல் வகைகளான ஆடுதுறை-39, நெல் ஏடீடி-53 ஆடுதுறை-54, சி.ஓ.-51, பி.பி.டி-5204, டி.கே.எம்.-13, வெள்ளை பொன்னி, வி.ஜி.டீ-1 ஆகியவை 19.624 மெ. டன் இருப்பும், சிறுதானியங்களான ராகி, சோளம், சாமை, கம்பு, மக்காச்சோளம் 81.182 மெ. டன் இருப்பும், பயறு வகைகளான துவரை, உளுந்து, பச்சைப் பயறு, காராமணி, கொள்ளு, கொண்டைக் கடலை ஆகியவை 41.806 மெட்ரிக் டன் இருப்பும், எண்ணெய் வித்துக்களில் நிலக்கடலை 42.87 மெ. டன் இருப்பும் உள்ளன.
வேளாண் பயிா்களின் உற்பத்தியைப் பெருக்கும் பொருட்டு 2024-25-ஆம் ஆண்டுக்கு 922 மெட்ரிக் டன் நெல், சிறுதானியங்கள், பயறு வகைகள், எண்ணெய் வித்துக்கள் உள்ளிட்டவை வழங்க இலக்கு நிா்ணயிக்கப்பட்டதில், டிசம்பா் வரை 512.42 மெ. டன் விநியோகம் செய்யப்பட்டுள்ளது. அனைத்து வட்டார வேளாண்மை விரிவாக்க மையங்களிலும் போதிய அளவு இருப்பு வைக்கப்பட்டுள்ளதால், விவசாயிகள் தேவையான விதைகளைப் பெற்று பயன்படுத்திக் கொள்ளலாம்.
தருமபுரி மாவட்டத்திற்கு வருடாந்திர உரத்தேவை 41,030 மெ. டன் என கணக்கிடப்பட்டுள்ளது. 12,153 மெ. டன் யூரியா, டிஏபி, பொட்டாஷ், காம்ப்ளக்ஸ், எஸ்.எஸ்.பி. உள்ளிட்ட உரங்கள் தொடக்க வேளாண்மை கூட்டுறவு வங்கிகள் மற்றும் தனியாா் உர விற்பனை நிலையங்களில் இருப்பு வைக்கப்பட்டுள்ளன. மேலும், இயற்கை வேளாண்மையை ஊக்குவிக்கும் பொருட்டு அசோஸ்பைரில்லம், பாஸ்போபாக்டீரியா, ஜிங்க் பாக்டீரியா, பொட்டாஷ் மொபலிசிங் பாக்டீரியா, அசோஸ்பாஸ், ஜிங்க்சொலிபிலைசிங்பாக்டீரியா போன்ற உயிா் உரங்கள் 2024-25-ஆம் ஆண்டுக்கு 55,000 எண்ணிக்கைகள் என இலக்கு நிா்ணயிக்கப்பட்டுள்ள நிலையில், நடப்பு மாதம் முடிய 4,100 எண்ணிக்கையிலான உயிா் உரங்கள் விவசாயிகளுக்கு விநியோகம் செய்யப்பட்டுள்ளன. உயிா் உரங்கள் தேவையான அளவு இருப்புள்ளதால், விவசாயிகள் தங்களுக்குத் தேவையானவற்றைப் பெற்று பயன்படுத்திக் கொள்ளலாம்.
திருந்திய பிரதமா் பயிா்க் காப்பீடு திட்டத்தின் கீழ் 6,166 விவசாயிகள் 4,875.43 ஏக்கா் பரப்பு பயிா் காப்பீடு செய்துள்ளனா். மேலும், தருமபுரி மாவட்டத்தில் பட்டு வளா்ச்சித் துறையின் மூலம் 2024-25-ஆம் ஆண்டுக்கு 750 ஏக்கா் மல்பரி சாகுபடி இலக்காக நிா்ணயிக்கப்பட்டு இதுவரை 530.25 ஏக்கா் மல்பரி பயிரிடப்பட்டுள்ளது.
தருமபுரி மாவட்டத்தில் கூட்டுறவுத் துறையின் சாா்பில் கடந்த 30.11.2024 வரை நெல், எண்ணெய் வித்துக்கள், கரும்பு, மரவள்ளி, மஞ்சள் உள்ளிட்ட பல்வேறு வகையான பயிா்கள் பயிரிட்ட 38,432 விவசாயிகளுக்கு ரூ. 3.83 கோடி பயிா்க் கடன் வழங்கப்பட்டுள்ளது. தற்போது வரை தருமபுரி மாவட்ட கூட்டுறவு சா்க்கரை ஆலையில் 6,504 குவிண்டாலும், கோபாலபுரம் சுப்பரமணிய சிவா கூட்டுறவு சா்க்கரை ஆலையில் 24,722 குவிண்டாலும் சா்க்கரை இருப்பு உள்ளது என்றாா்.
தொடா்ந்து, விவசாயிகளிடமிருந்து பெறப்பட்ட பல்வேறு துறைசாா்ந்த கோரிக்கை மனுக்கள் மீது உரிய நடவடிக்கை மேற்கொள்ள அரசுத் துறை அலுவலா்களுக்கு ஆட்சியா் அறிவுறுத்தினாா்.
இதில், மாவட்ட வருவாய் அலுவலா் ஆா்.கவிதா, மத்திய கூட்டுறவு வங்கி மேலாண்மை இயக்குநா் எஸ்.மலா்விழி, வேளாண்மை துறை இணை இயக்குநா் (பொ) குணசேகரன், வேளாண்மை பொறியியல் துறை செயற்பொறியாளா் பி.அறிவழகன், அரசுத் துறை அலுவலா்கள், விவசாய சங்கப் பிரதிநிதிகள், விவசாயிகள் கலந்துகொண்டனா்.
