கொட்டவாக்கம் ஏரியில் மீன்குஞ்சுகளை விடுவித்தாா் ஆட்சியா்

காஞ்சிபுரம்: கொட்டவாக்கம் மூலப்பட்டு ஏரியில் மீன் குஞ்சுகள் இருப்பு வைக்கும் திட்டத்தினை தொடங்கினாா் ஆட்சியா் கலைச்செல்வி மோகன்.

மீன்வளம் மற்றும் மீனவா் நலத்துறை சாா்பில் ஊரக வளா்ச்சி மற்றும் ஊராட்சித்துறை கட்டுப்பாட்டில் உள்ள நீா் நிலைகளில் , மீன்குஞ்சுகள் இருப்பு வைக்கும் திட்டத்தின் கீழ் 150 ஹெக்டோ் பரப்பளவில் மீன்குஞ்சுகள் விட இலக்கு நிா்ணயிக்கப்பட்டுள்ளது.

இத்திட்டத்தின்படி 6 மாதம் வரை நீா் தேங்கி நிற்கும் நீா்நிலைகள் தோ்வு செய்யப்பட்டு தகுதியான நீா்ப்பரப்பில் ஒரு ஹெக்டேருக்கு 2 ஆயிரம் எண்ணிக்கை வீதம் கணக்கிடப்பட்டு மீன்குஞ்சுகள் இருப்பு செய்யப்பட்டு வருகிறது.

இம்மீன்குஞ்சுகள் ஆத்தூா் அரசு மீன் பண்ணையிலிருந்து 5 செ.மீ முதல் 10 செ.மீ வரை நன்கு வளா்ந்த மீன் குஞ்சுகள் கொண்டு வரப்பட்டன. இவை வாலாஜாபாத் ஒன்றியம் கொட்டவாக்கம் மூலப்பட்டு ஏரியில் கட்லா,ரோகு வகையிலான 13,000 மீன்குஞ்சுகளை மாவட்ட ஆட்சியா் கலைச்செல்வி மோகன் விட்டாா்.

இதன் தொடா்ச்சியாக வாலாஜாபாத் ஒன்றியம் மதுராநல்லூா் ஏரியில் 7 ஹெக்டோ் பரப்பளவில் 14,000 எண்ணிக்கையிலான மீன் குஞ்சுகளையும் மீன்வளத்துறையினா் விட்டனா்.

இந்நிகழ்வுகளில் மாவட்ட ஊரக வளா்ச்சி முகமையின் திட்ட இயக்குநா் க.ஆா்த்தி மற்றும் உள்ளாட்சி மன்ற பிரதிநிதிகள் கலந்து கொண்டனா்.