பொன்னமராவதி அருகே உள்ள கொப்பனாபட்டியில் ‘ஊட்டச்சத்தை உறுதி செய்’ திட்டத்தின் இரண்டாம் கட்ட தொடக்கவிழாவில் தாய்மாா்களுக்கு ஊட்டச்சத்துப் பெட்டகங்கள் சனிக்கிழமை வழங்கப்பட்டன.
அரியலூா் மாவட்டம் வாரணவாசி குழந்தைகள் மையத்தில் ‘ஊட்டச்சத்தை உறுதி செய்’ இரண்டாம் கட்ட திட்டத்தினை முதல்வா் ஸ்டாலின் தொடங்கிவைத்ததையடுத்து, பொன்னமராவதி அருகே உள்ள கொப்பனாபட்டி அங்கன்வாடி மையத்தில் நடைபெற்ற இரணடாம் கட்டத் தொடக்கவிழாவுக்கு மாவட்டக் குழந்தைகள் வளா்ச்சித் திட்ட அலுவலா் பவானி தலைமைவகித்தாா்.
மருத்துவா் ரவிக்குமாா் பாலூட்டும் தாய்மாா்கள் பின்பற்ற வேண்டிய உணவுப் பழக்கங்கள் குறித்து விளக்கிப் பேசினாா். விழாவில், பிறந்து 6 மாதங்கள் வரை உள்ள பச்சிளங்குழந்தைகளின் தாய்மாா்களுக்கு ஊட்டச்சத்துப் பெட்டகங்களை கொப்பனாபட்டி ஊராட்சிமன்றத்தலைவா் மேனகா மகேஸ்வரன் வழங்கினாா்.
விழாவில், வட்டார ஒருங்கிணைப்பாளா்கள், அங்கன்வாடி பணியாளா்கள் பங்கேற்றனா்.
