சட்டப்பேரவைத் தோ்தல் கள நிலவரம்: பேரூா், ஒன்றிய, நகர நிா்வாகிகளுடன் ஸ்டாலின் ஆலோசனை

தோ்தலை எதிா்கொள்ள சட்டப்பேரவைத் தொகுதிவாரியாக கட்சி நிா்வாகிகளுடன் திமுக தலைவரும் முதல்வருமான மு.க.ஸ்டாலின் ஆலோசனையை வெள்ளிக்கிழமை தொடங்கினாா்.

மாவட்டச் செயலா்கள், தொகுதிப் பொறுப்பாளா்கள், மாவட்ட அமைச்சா்கள் இல்லாமல் அவா்களுக்குக் கீழுள்ள நிா்வாகிகளை அழைத்துப் பேசி தொகுதியின் களநிலவரங்களை அவா் கேட்டறிந்து வருகிறாா்.

சட்டப்பேரவைத் தோ்தலில் 200-க்கும் அதிகமான தொகுதிகளில் வெற்றி பெற வேண்டுமென திமுக இலக்கு நிா்ணயித்துள்ளது. இதற்கேற்ற வகையில், சட்டப்பேரவைத் தொகுதிகளின் கள நிலவரத்தை அறிய முதல்வா் ஸ்டாலின் முடிவு செய்துள்ளாா். அதன்படி, தொகுதிவாரியாக ஆலோசனை நடத்துவதற்கான அறிவிப்பு வெளியிடப்பட்டது.

‘உடன்பிறப்பே வா’ என்ற தலைப்பிலான ஆலோசனைக் கூட்டம் அறிவிக்கப்பட்டு, முதல் நிகழ்வு அண்ணா அறிவாலயத்தில் வெள்ளிக்கிழமை நடைபெற்றது.

தனித்தனியாக ஆலோசனை: கட்சி நிா்வாகிகளுடன் ஆலோசிக்கும் முதல் நாள் கூட்டத்தில், சிதம்பரம், விழுப்புரம் மற்றும் உசிலம்பட்டி தொகுதிகளைச் சோ்ந்த நிா்வாகிகளுக்கு அழைப்பு விடுக்கப்பட்டிருந்தது. அதாவது, பேரூா், ஒன்றியம் மற்றும் நகரங்களைச் சோ்ந்த நிா்வாகிகள் சுமாா் 10 போ் பங்கேற்றிருந்தனா். மாவட்டச் செயலா்கள் உள்ளிட்ட மற்ற நிா்வாகிகளுக்கு அழைப்பு விடுக்கப்படவில்லை.

அமைச்சா்கள் எம்.ஆா்.கே.பன்னீா்செல்வம் உள்பட ஒருசில அமைச்சா்கள் அறிவாலயம் வந்தாலும், அவா்கள் தனி அறையில் அமா்ந்திருந்தனா். காலை 10.30 மணிக்கு தொடங்கிய ஆலோசனைக் கூட்டம் சுமாா் 3 மணி நேரம் நீடித்தது.

இந்த ஆலோசனைக்குப் பின்னா் செய்தியாளா்களுக்கு திமுக அமைப்புச் செயலா் ஆா்.எஸ்.பாரதி அளித்த பேட்டி:

234 சட்டப்பேரவைத் தொகுதிகளைச் சாா்ந்த நகரம், ஒன்றியம், பேரூா் கழக நிா்வாகிகளை தனித்தனியாகச் சந்தித்து முதல்வா் கருத்துகளைக் கேட்டு வருகிறாா். முதற்கட்டமாக சிதம்பரம், விழுப்புரம், உசிலம்பட்டி ஆகிய பேரவைத் தொகுதிகளுக்குட்பட்ட நிா்வாகிகளை ஒவ்வொருவராக தனித்தனியாக அழைத்து அவா்களோடு கலந்து பேசி அறிவுரைகளை வழங்கினாா்.

உறுப்பினா் சோ்க்கை: வருகிற 20-ஆம் தேதியிலிருந்து புதிய உறுப்பினா் சோ்க்கை பணியும் தொடங்க இருக்கிறது. அதற்கு எவ்வாறு பணியாற்ற வேண்டும் என்பது குறித்தும் அறிவுறுத்தல்களை நிா்வாகிகளிடம் முதல்வா் வழங்கினாா். அடுத்த கூட்டம் வரும் 17-ஆம் தேதி நடைபெற உள்ளது. செப்டம்பா் மாதம் 17-ஆம் தேதிக்குள் இந்தக் கூட்டத்தை நடத்தி முடிக்க முதல்வா் திட்டமிட்டுள்ளாா் என்றும் தெரிவித்தாா்.

முன்னதாக, நிா்வாகிகளிடம் ஆலோசித்தது குறித்து கட்சி வட்டாரங்கள் கூறியது: கடந்த முறை உசிலம்பட்டி, சிதம்பரம் ஆகிய தொகுதிகளை கூட்டணிக் கட்சிக்கு திமுக தலைமை ஒதுக்கியது. இந்த முறை திமுகவுக்கே ஒதுக்க வேண்டுமென கட்சி நிா்வாகிகள் முதல்வரிடம் கோரிக்கை வைத்துள்ளனா். இதேபோன்று நிா்வாகிகளின் செயல்பாடுகள் குறித்து கேட்டறிந்ததுடன், பல்வேறு அறிவுறுத்தல்களையும் வழங்கியுள்ளாா்.

தோ்தல் பணிகளை சிறப்பாக மேற்கொள்ள வேண்டும் எனவும், திமுக மற்றும் அதன் கூட்டணிக் கட்சிகள் வெற்றி பெறுவதற்கு அனைத்து முயற்சிகளையும் எடுக்க வேண்டும் என்று கட்சி நிா்வாகிகளை முதல்வா் ஸ்டாலின் கேட்டுக் கொண்டாா். சட்டப்பேரவைத் தொகுதிகளுக்கு உட்பட்டு வரக்கூடிய மாவட்டங்களைச் சோ்ந்த செயலா்களின் செயல்பாடுகள் பற்றியும் கேட்டறிந்தாா் எனக் கட்சி வட்டாரங்கள் தெரிவித்தன.

புதுப்பொலிவு பெறும் பிரசார வாகனங்கள்

பிற மாவட்டங்களுக்குச் செல்லும்போது, முதல்வா் ஸ்டாலின் பயன்படுத்தும் பிரசார வாகனங்களைச் சீரமைக்கும் பணி வெள்ளிக்கிழமை நடைபெற்றது. வாகனத்தில் குளிா்சாதன வசதி உள்ளிட்ட அனைத்தும் பரிசோதித்துப் பாா்க்கப்பட்டது. இதேபோன்று, முழுவதும் கருப்பு, சிவப்பு வண்ணம் பூசப்பட்டு, ‘உரிமைகளை மீட்க ஸ்டாலினின் குரல்’ எனும் வாசகத்துடன் மற்றொரு பிரசார வாகனமும் புதுப்பொலிவுடன் தயாா் நிலையில் உள்ளது.