இறந்தவா்களின் குடும்பத்தினருக்கு இந்திய வம்சாவளியினா் உதவிக்கரம்!
ராயல் என்ஃபீல்ட் மின்சார மாடல் பைக்குகள் சோதனை ஓட்டம் லடாக்கில் நடைபெற்றுள்ளது. ராயல் என்ஃபீல்ட் அறிமுகப்படுத்தியுள்ள ஃப்ளையிங் ஃப்ளீ சி6 மற்றும் விரைவில் அறிமுகமாகவுள்ள எஸ்6 மாடல் பைக்குகள் விரைவில் சந்தைக்கு வரவுள்ள நிலையில், இந்த சோதனை உயர்ந்த மலைப்பாங்கான பகுதிகளில் நடத்தப்பட்டுள்ளது.
ஃப்ளையிங் ஃப்ளீ சி6 அடுத்தாண்டு மார்ச் மாதம் விற்பனைக்கு வரவுள்ளதை ராயல் என்ஃபீல்ட் அறிவித்துள்ளது. அதனைத் தொடர்ந்து, அடுத்தகட்டமாக எஸ்6 மாடல் பைக்குகள் சந்தைக்கு வரலாம் என்று எதிர்பார்க்கப்படுகிறது.
ஃப்ளையிங் ஃப்ளீ சி6 பற்றிய விவரங்கள் ஏற்கெனவே வெளிப்பட்டுவிட்ட நிலையில், புதியதாக அறிமுகமாகியுள்ள ஃப்ளையிங் ஃப்ளீ எஸ்6 மீதான எதிர்பார்ப்பு அதிகரித்துள்ளது.
இதையும் படிக்க:ராயல் என்ஃபீல்டின் முதல் எலக்ட்ரிக் பைக் 'ஃப்ளையிங் ஃப்ளீ' அறிமுகம்!
ஃப்ளையிங் ஃப்ளீ எஸ்6 பைக்குகளில் சி6 மாடலில் கொடுக்கப்பட்டுள்ளதை போல இல்லாமல், இதில் பெல்ட் ட்ரைவுக்கு பதிலாக செயின் ட்ரைவ் அமைந்துள்ளது. அல்லாய் ரக வீல்களுக்கு பதிலாக ஸ்போக் மாடல் வீல்கள் பொருத்தப்பட்டுள்ளன. இன்வெர்டெட் டெலெஸ்கோபிக் ஃபோர்க் உள்ளது.
இதன் மின்சார பேட்டரியின் திறன் குறித்து இன்னும் முழு விவரம் வெளியிடப்படவில்லை. எனினும், முதல்கட்ட தரவுகளின்படி, பெட்ரோல் மாடல் பைக்குகளில் 125 - 100 சிசி என்ஜின் திறனுடன் வரும் பைக்குகளுக்கு இணையான சக்தியை இந்த எலக்ட்ரிக் மாடல் வழங்கும் என்று கூறப்படுகிறது.
நெடுந்தூரம் செல்லும் வகையில் அதிக திறனுடன் கூடிய பேட்டரி பொருத்தப்பட்ட பைக்குகளாக இந்த மாடல் இருக்காது என்பதால், குறைந்து தூர பயணத்துக்கு ஏற்ற வகையில் இருக்கும் என்றும் கூறப்படுகிறது. இதன் விலை சுமார் ரூ. 4.50 லட்சத்திலிருந்து ஆரம்பமாகும் என்றும் சொல்லப்படுகிறது.
