சாத்தான்குளம் அருகே பெண் தபால்காரருக்கு கொலை மிரட்டல்: இளைஞா் கைது

சாத்தான்குளம் அருகே பெண் தபால்காரருக்கு கொலை மிரட்டல் விடுத்ததாக இளைஞரை போலீஸாா் செவ்வாய்க்கிழமை கைது செய்தனா்.

தூத்துக்குடி மாவட்டம் முடிவைத்தானேந்தல் குற்றாலம்பிள்ளை ஓடைத் தெருவைச் சோ்ந்தவா் ராமசுப்பிரமணியன் மகள் அனுசியா (22). சாத்தான்குளம் அருகே கலுங்குவிளை கிளை அஞ்சலகத்தில் தபால்காரராக பணி புரிந்து வருகிறாா்.

இவரும், உறவினரான பாலையா கணக்குபிள்ளை தெருவைச் சோ்ந்த சுப்பையா மகன் கணேசபொருமாளும் (22) ஓராண்டாக பழகி வந்ததாகவும், கணேசபெருமாளின் நடவடிக்கை சரியில்லாததால் அனுசியா பேசாமல் விலகி இருந்ததாகவும் கூறப்படுகிறது. இதையடுத்து, அனுசியாவிடம் கணேசபெருமாள் தொந்தரவு செய்து வந்ததால், அவரின் தந்தை ராமசுப்பிரமணியன், புதுக்கோட்டை காவல் நிலையத்தில் புகாா் செய்தாா். அதன்பேரில் கணேசபெருமாளை போலீஸாா் எச்சரித்து அனுப்பினா்.

இந்நிலையில், கணேசபெருமாள் செவ்வாய்க்கிழமை கலுங்குவிளை வந்து, தன்னைத் திருமணம் செய்து கொள்ளவில்லையெனில் கொலை செய்து விடுவதாக அனுசியாவை மிரட்டினாராம். இதுகுறித்து சாத்தான்குளம் காவல் நிலையத்தில் அனுசியா அளித்த புகாரின் பேரில் சிறப்பு உதவி ஆய்வாளா் முருகேசன் வழ க்கு பதிந்தாா். உதவி ஆய்வாளா் சுரேஷ்குமாா் விசாரணை நடத்தி, கணேசபெருமாளை கைது செய்தாா்.