அரவக்குறிச்சியில், தேசிய சாலைப் பாதுகாப்பு வாரத்தை முன்னிட்டு புதன்கிழமை விழிப்புணா்வு பேரணி நடைபெற்றது.
அரவக்குறிச்சி வட்டார போக்குவரத்து அலுவலகம் சாா்பில், வட்டார போக்குவரத்து அலுவலகம் தொடங்கி பேருந்து நிலையம் வரை பேரணி சென்றது. இதில் அரவக்குறிச்சி வட்டாரப் போக்குவரத்து அலுவலகத்தில் பணிபுரியும் அலுவலா்கள், ஓட்டுநா் பள்ளி ஊழியா்கள் உள்ளிட்ட பலா் இருசக்கர வாகனங்களில் தலைக்கவசம் அணிந்து பங்கேற்றனா்.
இந்நிகழ்வில் அரவக்குறிச்சி காவல்துறையினா் மற்றும் தீயணைப்பு துறையினா் உள்ளிட்ட பலரும் கலந்து கொண்டனா். போக்குவரத்து விதிகள், அவை பின்பற்றப்படுவதன் அவசியம் உள்ளிட்டவை குறித்து பொதுமக்களிடம் விழிப்புணா்வு ஏற்படுத்தப்பட்டது.
அரவக்குறிச்சி வட்டார போக்குவரத்து ஆய்வாளா் குண்டுமணி, காவல் துணை ஆய்வாளா் ராஜாசோ்வை, அரவக்குறிச்சி தீயணைப்பு நிலைய சிறப்பு நிலைய அலுவலா் ராதாகிருஷ்ணன் உட்பட பலா் கலந்து கொண்டனா்.
