சா்வதேச பிரச்னைகளுக்குத் தீா்வு காண்பதில் ஜி20-க்கு முக்கியப் பங்கு: வெளியுறவு அமைச்சா் ஜெய்சங்கா்

சா்வதேச புவிஅரசியலில் நிகழும் பல்வேறு பிரச்னைகளுக்கு ஒருமித்த கருத்துகளை ஜி20 அமைப்பு தெரிவிப்பது மிக அவசியம் என இந்திய வெளியுறவுத் துறை அமைச்சா் எஸ்.ஜெய்சங்கா் தெரிவித்தாா்.

ஜி-20 கூட்டமைப்பின் வெளியுறவுத் துறை அமைச்சா்கள் மாநாட்டில் பங்கேற்பதற்காக இரு நாள் சுற்றுப்பயணமாக கடந்த வியாழக்கிழமை தென்னாப்பிரிக்காவுக்கு ஜெய்சங்கா் சென்றாா்.

அங்கு ‘உலகளாவிய புவிஅரசியல் சூழல்’ என்ற தலைப்பிலான விவாதத்தில் பங்கேற்ற அவா் பேசியதாவது: கரோனா பெருந்தொற்று, போா்கள், நிதிச் சுமை, உணவு பாதுகாப்பு, பருவநிலை மாற்றங்கள் தொடா்பான பிரச்னைகள் என சமகால உலகளாவிய புவிஅரசியல் சூழல் மிகவும் சவாலானது.

மேலும், விநியோகச் சங்கிலி தடுப்பு, ஆயுதமயமாக்கப்பட்ட வா்த்தகம் மற்றும் நிதி, தரவுகள் பகிா்வில் வெளிப்படைத்தன்மையின்மை போன்ற விவகாரங்களும் கவலையை ஏற்படுத்தியுள்ளது.

உலகளாவிய சூழல்களால் செயற்கை நுண்ணறிவு, மின்சார வாகனங்கள், விண்வெளி, ஆளில்லா விமானங்கள் அல்லது பசுமை ஹைட்ரஜன் என வளா்ச்சி சாா்ந்த பல்வேறு துறைகளிலும் தாக்கத்தை ஏற்படுத்துகிறது. இருப்பினும், நம் அனைவருடைய வேற்றுமைகள், கலாசாரத்தை ஒருங்கிணைக்கும் இடமாக ஜி20 உள்ளது. எனவே, சா்வதேச புவிஅரசியலில் நிகழும் பல்வேறு பிரச்னைகளுக்கு ஒருமித்த கருத்துகளை ஜி20 அமைப்பு தெரிவிப்பது மிக அவசியம்.

போா்களில் இந்தியாவின் நிலைப்பாடு: இஸ்ரேல்-ஹமாஸ் இடையேயான போரில் காஸா போா் நிறுத்த ஒப்பந்தத்தையும் பிணைக் கைதிகள் விடுவிக்கப்படுவதையும் இந்தியா வரவேற்கிறது.

பாலஸ்தீன் விவகாரத்தில் ‘இரு நாடுகள் தீா்வை’ வலியுறுத்துவதோடு அந்தப் பிராந்தியத்தில் மனிதநேய உதவிகள் தொடா்ச்சியாக வழங்கப்படுவதை உறுதிப்படுத்த வேண்டும். லெபனானிலும் போா் நிறுத்த ஒப்பந்தத்தை முழுமையாக கடைப்பிடிக்க வேண்டும்.

உக்ரைன்-ரஷியா போா் விவகாரத்தில் பேச்சுவாா்த்தை மூலம் தீா்வு காண வேண்டும் என்பதை இந்தியா தொடா்ந்து வலியுறுத்தி வருகிறது.

எவ்வித இடையூறுமின்றி கடல்வழி வணிகம் மீண்டும் இயல்பு நிலைக்கு திரும்ப முன்னுரிமை அளிக்கப்பட வேண்டும். ஐ.நா. கடல்சாா் ஒப்பந்தம் 1982-ஐ மதித்து அனைத்து நாடுகளும் நடந்துகொள்ள வேண்டும்.

ஐ.நா. சீா்திருத்தம்: ஜி20 உறுப்பினா்களாகிய நாம், பன்முக அமைப்புகள் செயலற்று இருப்பதை ஒப்புக்கொள்ள வேண்டும். ஐ.நா. மற்றும் அதன் பாதுகாப்பு கவுன்சில் அடிக்கடி முடக்கப்படுகிறது. அதை வழக்கம்போல் இயங்க வைப்பதோடு அதன் பணிகள் மற்றும் பிரதிநிதித்துவத்தில் சீா்திருத்தங்களை மேற்கொள்ள வேண்டும்.

ஒரு சிலரின் விருப்பத்துக்கேற்ப சா்வதேச அமைப்புகள் செயல்படக் கூடாது என்றாா்.

சீன வெளியுறவு அமைச்சருடன் பேச்சு:

ஜி20 வெளியுறவு அமைச்சா்கள் மாநாட்டினிடையே சீன வெளியுறவு அமைச்சா் வாங் யியை ஜெய்சங்கா் வெள்ளிக்கிழமை சந்தித்தாா். அப்போது இருநாடுகள் எல்லையில் அமைதியை மேம்படுத்துவது குறித்தும் கைலாசம்-மானசரோவா் யாத்திரையை மீண்டும் தொடங்குவது குறித்தும் இருவரும் விவாதித்தனா்.

முத்தரப்பு பேச்சுவாா்த்தை: அதேபோல் ஆஸ்திரேலிய வெளியுறவு அமைச்சா் பென்னி வாங் மற்றும் பிரான்ஸ் வெளியுறவு அமைச்சா் ஜான்-நோயல் பாரட் ஆகியோருடன் ஜெய்சங்கா் முத்தரப்பு பேச்சுவாா்த்தை நடத்தினாா். இந்தோ-பசிபிக் பிராந்தியத்தில் ஒத்துழைப்பை மேம்படுத்துவது குறித்து இந்தக் கூட்டத்தில் விவாதிக்கப்பட்டது.

ஐரோப்பிய யூனியன் துணைத் தலைவரும் வெளியுறவு விவகாரங்கள் மற்றும் பாதுகாப்பு கொள்கைக்கான உயா் பிரதிநிதியுமான காஜா கல்லாஸையும் ஜெய்சங்கா் முதல்முறையாக சந்தித்து பேச்சுவாா்த்தை நடத்தினாா்.

இதுதவிர அங்கோலா, அல்ஜீரியா, அயா்லாந்து ஆகிய நாடுகளின் வெளியுறவு அமைச்சா்களையும் சந்தித்து அவா் பேச்சுவாா்த்தை நடத்தினாா்.

முன்னதாக, கடந்த வியாழக்கிழமை ரஷிய வெளியுறவு அமைச்சா் சொ்கேய் லாவ்ரோவ், பிரேஸில் வெளியுறவு அமைச்சா் மெளரோ வியராவைவும் சிங்கப்பூா் வெளியுறவு அமைச்சா் விவியன் பாலகிருஷ்ணனையும் ஜெய்சங்கா் சந்தித்தாா்.