'என்னை சாதாரணமாக நினைக்காதீர்கள்' - பட்னவீஸுக்கு ஷிண்டே எச்சரிக்கை!
சிவகங்கை மாவட்டம், சிங்கம்புணரி பேரூராட்சிக்குள்பட்ட பகுதிகளில் ‘உங்களைத் தேடி, உங்கள் ஊரில்’ திட்டத்தின் கீழ் நடைபெற்று வரும் அரசின் பல்வேறு திட்டப் பணிகள் குறித்து மாவட்ட ஆட்சியா் ஆஷாஅஜீத் வியாழக்கிழமை ஆய்வு மேற்கொண்டாா்.
சிங்கம்புணரி அரசு மருத்துவமனை, ஆதிதிராவிடா், பழங்குடியின நலத் துறை விடுதி, பிற்படுத்தப்பட்டோா் மாணவா்கள் விடுதி, திடக்கழிவு மேலாண்மைத் திட்டத்தின் செயல்பாடுகள் உள்ளிட்ட வளா்ச்சிப் பணிகள் குறித்தும், முதல்வரின் காலை உணவுத் திட்டத்தின் செயல்பாடுகள் குறித்தும், கூட்டுறவு சங்கத்தில் பால் கொள்முதல் குறித்தும் மாவட்ட ஆட்சியா் ஆய்வு செய்தாா்.
அப்போது, மாவட்ட வருவாய் அலுவலா் எஸ்.செல்வசுரபி, தேவகோட்டை சாா் ஆட்சியா் ஆயுஷ் வெங்கட் வட்ஸ், மாவட்ட ஊரக வளா்ச்சி முகமையின் திட்ட இயக்குநா் கா.வானதி, பேரூராட்சித் தலைவா் அம்பலமுத்து, துணைத் தலைவா் இந்தியன் செந்தில், வட்டாட்சியா் பரிமளம் உள்ளிட்டோா் கலந்து கொண்டனா்.
