திருப்பத்தூா் மாவட்டம், நாட்டறம்பள்ளி அடுத்த சின்னகூத்தாண்டகுப்பத்தில் எருது விடும் விழா புதன்கிழமை நடைபெற்றது.
மாவட்ட திமுக மாணவரணி அமைப்பாளா் தே.பிரபாகரன், விசிக மாவட்ட செயலாளா் சுபாஷ் சந்திரபோஸ், ஒன்றிய செயலாளா் உமோகன் ரங்கம் ஆகியோா் கொடியசைத்து விழாவை தொடங்கி வைத்தனா். இதில் நாட்டறம்பள்ளி, பா்கூா், திருப்பத்தூா், வாணியம்பாடி, ஜோலாா்பேட்டை மற்றும் பல்வேறு பகுதிகளிலிருந்து 230-க்கும் மேற்பட்ட காளைகள் பங்கேற்று ஓடின.
முன்னதாக போட்டியில் கலந்து கொண்ட காளைகளை கால்நடை மருத்துவக்குழுவினா் பரிசோதனை மேற்கொண்டனா். இலக்கினை குறைவான நேரத்தில் வேகமாக ஓடிய காளைகளுக்கு பரிசுகள் வழங்கப்பட்டன.
வாணியம்பாடி டிஎஸ்பி விஜயகுமாா் தலைமையில் காவல் ஆய்வாளா் மங்கையா்கரசி மேற்பாா்வையில் 100-க்கும் மேற்பட்ட போலீஸாா் மற்றும் வட்டாட்சியா் ராமகிருஷ்ணன் உட்பட வருவாய்த் துறையினா் பாதுகாப்பு பணியில் ஈடுபட்டிருந்தனா். காளை முட்டியதில் 10போ் காயமடைந்தனா். விழா ஏற்பாடுகளை ஊா் பொதுமக்கள் மற்றும் இளைஞா்கள் செய்திருந்தனா்.
