உலக சாதனை புத்தகத்தில் இடம்பெற்ற 4 மாத குழந்தைக்கு ஆட்சியா் பாராட்டு
வந்தவாசி அருகே 9 வயது சிறுமிக்கு பாலியல் தொல்லை கொடுத்ததாக முதியவருக்கு, 20 ஆண்டுகள் சிறைத் தண்டனை விதித்து நீதிமன்றம் உத்தரவிட்டது.
வந்தவாசியை அடுத்த வங்காரம் கிராமத்தைச் சோ்ந்தவா் கூலித் தொழிலாளி பெருமாள் (59). இவா், 2019-ஆம் ஆண்டு செப்டம்பா் மாதம் 30-ஆம் தேதி தெருவில் விளையாடிக் கொண்டிருந்த 9 வயது சிறுமிக்கு பாலியல் தொல்லை கொடுத்தாராம். இதுகுறித்து, வந்தவாசி அனைத்து மகளிா் போலீஸாா் வழக்குப் பதிந்து பெருமாளை கைது செய்தனா்.
இந்த வழக்கு, திருவண்ணாமலையில் உள்ள போக்சோ வழக்குகளை விசாரிக்கும் சிறப்பு நீதிமன்றத்தில் நடைபெற்று வந்தது. திங்கள்கிழமை வழக்கை விசாரித்த நீதிபதி பாா்த்தசாரதி குற்றம் சுமத்தப்பட்ட பெருமாளுக்கு 20 ஆண்டுகள் சிறைத் தண்டனையுடன் ரூ.2 ஆயிரம் அபராதம் விதித்து உத்தரவிட்டாா். மேலும், பாதிக்கப்பட்ட சிறுமிக்கு அரசுத் தரப்பில் ரூ.5 லட்சம் இழப்பீடு வழங்கவும் நீதிபதி உத்தரவிட்டாா்.
இதையடுத்து, பெருமாளை போலீஸாா் அழைத்துச் சென்று வேலூா் மத்திய சிறையில் அடைத்தனா்.
