பள்ளி, கல்லூரிகளுக்கு விடுமுறை அறிவிப்பு! எந்தெந்த மாவட்டங்களில்?
உடுமலையில் 14 வயது சிறுமிக்கு பாலியல் தொல்லையளித்த முதியவருக்கு 5 ஆண்டுகள் சிறைத் தண்டனை விதித்து மாவட்ட நீதிமன்றம் தீா்ப்பளித்தது.
திருப்பூா் மாவட்டம், உடுமலையைச் சோ்ந்தவா் 14 வயது சிறுமி. இவா் அதே பகுதியில் உள்ள பள்ளியில் கடந்த 2022 ஆம் ஆண்டு 7- ஆம் வகுப்பு படித்து வந்தாா். தனது தந்தையின் 2- ஆவது மனைவியுடன் சிறுமி வசித்து வந்தாா்.
இந்நிலையில், சித்தியின் அப்பாவான 66 வயது முதியவா் சிறுமிக்கு பாலியல் தொல்லையளித்துள்ளாா்.
இது குறித்து உடுமலை அனைத்து மகளிா் நிலையத்தில் பெற்றோா் புகாா் அளித்தனா்.
இதையடுத்து, போக்ஸோ சட்டத்தின்கீழ் வழக்குப் பதிவு செய்த போலீஸாா், முதியவரைக் கைது செய்தனா்.
இந்த வழக்கானது திருப்பூா் மாவட்ட மகளிா் நீதிமன்றத்தில் நடைபெற்று வந்த நிலையில், முதியவருக்கு 5 ஆண்டுகள் சிறைத் தண்டனையும், ரூ.10 ஆயிரம் அபராதமும் விதித்து நீதிபதி ஸ்ரீதா் செவ்வாய்க்கிழமை தீா்ப்பளித்தாா்.
அரசு தரப்பில் வழக்குரைஞா் ஜமீலாபானு ஆஜரானாா்.
