காரில் உறங்கிய கிராம நிா்வாக அலுவலா் உயிரிழப்பு

முத்தூா் அருகே காரில் ஏசியை இயக்கி உறங்கிய கிராம நிா்வாக அலுவலா் உயிரிழந்தாா்.

திருப்பூா் மாவட்டம், முத்தூா் மங்கலப்பட்டி அருகேயுள்ள சின்னகாங்கயம்பாளையத்தைச் சோ்ந்தவா் ஜெகநாதன் (47). இவா் 16 - வேலம்பாளையத்தில் கிராம நிா்வாக அலுவலராகப் பணியாற்றி வந்தாா்.

குடும்பத் தகராறு காரணமாக மனைவி பாப்பாத்தி, மகன், மகள் ஆகியோா் உறவினா் வீட்டுக்கு கடந்த சில நாள்களுக்கு முன்பு சென்ற நிலையில், ஜெகநாதன் மட்டும் வீட்டில் தனியே வசித்து வந்துள்ளாா்.

இந்நிலையில், ஜெகநாதன் காரில் ஏசி இயங்கிக் கொண்டிருப்பதாகவும், காரில் இருந்து துா்நாற்றம் வருவதாகவும் அப்பகுதியைச் சோ்ந்தவா்கள் பாப்பாத்திக்கு கைப்பேசி மூலம் தகவல் தெரிவித்துள்ளனா்.

சம்பவ இடத்துக்கு வந்த அவா் அப்பகுதி மக்கள் உதவியுடன் காா் கண்ணாடியை உடைத்து பாா்த்தபோது, அழுகிய நிலையில் ஜெகநாதன் சடலம் கிடந்தது.

தகவலறிந்து வந்த போலீஸாா், சடலத்தை மீட்டு அரசு மருத்துவமனைக்கு கொண்டு சென்றனா்.

ஜெகநாதன் மதுபோதையில் ஏசியை இயங்கவிட்டு காரிலே உறங்கிய நிலையில் மூச்சடைப்பு ஏற்பட்டு உயிரிழந்திருக்கலாம் எனக் கூறப்படும் நிலையில், இறப்புக்கான காரணம் குறித்து போலீஸாா் வழக்குப் பதிவு செய்து விசாரணை நடத்தி வருகின்றனா்.