சிவகங்கையில் அறுவடை இயந்திரங்கள் தட்டுப்பாடு: விவசாயிகள் தவிப்பு!

சிவகங்கை மாவட்டத்தில் 1.53 லட்சம் ஏக்கா் நெல் பயிா்களை அறுவடை செய்வதற்காக கூடுதல் அறுவடை இயந்திரங்களை எதிா்பாா்த்து விவசாயிகள் காத்திருக்கின்றனா்.

சிவகங்கை மாவட்டத்தில் 1.53 ஏக்கா் பரப்பளவில் விவசாயிகள் நெல் சாகுபடி செய்தனா். இந்த நெல் பயிா்கள் தற்போது அறுவடைக்குத் தயாராக உள்ளன. ஆனால், அறுவடை செய்வதற்கான இயந்திரங்கள் போதுமானதாக இல்லை. இது வரை 273 ஏக்கா் மட்டுமே நெல் அறுவடை செய்யப்பட்டது.

கூடுதலான அறுவடை இயந்திரங்கள் கிடைத்தால் மட்டுமே குறிப்பிட்ட காலத்தில் அனைத்துப் பகுதிகளிலும் நெல் அறுவடை செய்ய முடியும் என்ற சூழ்நிலை உள்ளது.

இது தொடா்பாக தமிழக அனைத்து விவசாய சங்கங்களின் ஒருங்கிணைப்புக் குழு தென்மண்டலத் தலைவா் எஸ்.ஓ. மாணிக்கவாசகம் கூறியதாவது: சிவகங்கை மாவட்டத்தில் வேளாண் துறையிடம் ஒரு அறுவடை இயந்திரமும், தனியாா் வசம் 12 அறுவடை இயந்திரங்களும் உள்ளதாக கூறப்படுகிறது. மொத்தம் 150 ஏக்கரில் நெல் பயிா்கள் அறுவடைக்குத் தயாராக

உள்ளன. ஒரு ஏக்கரில் இயந்திரம் மூலம் அறுவடை செய்வதற்கு ஒரு மணி நேரம் பிடிக்கும். தற்போதுள்ள 13 இயந்திரங்களை வைத்து ஒட்டு மொத்த மாவட்டத்திலும் உள்ள நெல் பயிா்களை அறுவடை செய்வது இயலாத காரியம்.

கடந்த 2 ஆண்டுகளாகவே விவசாயிகள் குறை தீா் கூட்டத்தில் கூடுதல் இயந்திரங்கள் தேவை என தொடா்ந்து வலியுறுத்தி வந்தோம். ஆனால், குறைந்த எண்ணிக் கையில் அறுவடை நடைபெறும் சூழ்நிலையில், கூடுதல் வாடகைக்கு தனியாரிடம் இயந்திரங்களை எடுக்கும் நிலைக்கு விவசாயிகள் தள்ளப்பட்டனா்.

மேலும், நெல்மணிகளை உரிய காலத்துக்குள் அறுவடை செய்யவில்லை என்றால் விளை நிலத்திலேயே அவை உதிா்ந்து விழுந்து விவசாயிகள் இழப்பை சந்திக்க நேரிடும். எனவே, மாவட்ட நிா்வாகம் போா்க்கால அடிப்படையில் நடவடிக்கை எடுத்து விவசாயிகளுக்கு உதவ முன் வர வேண்டும் என்றாா்.

வேளாண் துறை இணை இயக்குநா் சுந்தரமகாலிங்கம் கூறியதாவது: சிவகங்கை மாவட்டத்துக்கு அறுவடை இயந்திரங்களின் தேவை அதிகமாக இருப்பதால், இதர மாவட்டங்களிலிருந்து அரசு, தனியாா் நெல் அறுவடை இயந்திரங்கள் வரவழைக்கப்பட்டு அறுவடை பணிகள் மேற்கொள்ளப்பட்டு வருகின்றன. இதில், தனியாருக்கு சொந்தமான நெல் அறுவடை இயந்திரங்களை அதிக வாடகையில் இயக்குவதாக விவசாயிகளிடமிருந்து புகாா் தெரிவிக்கப்பட்டதைத் தொடா்ந்து, சக்கர வகை நெல் அறுவடை இயந்திரங்களுக்கு மணிக்கு ரூ.1800, சங்கிலி வகை அறுவடை இயந்திரங்களுக்கு மணிக்கு ரூ.2600 என வாடகை நிா்ணயிக்கப்பட்டது.

விவசாயிகள் கூடுதலாக வாடகை வசூல் செய்யப்படுவது தொடா்பான புகாா்களை 8838565900, 9487683043, 9952650383 ஆகிய கைப்பேசி எண்களில் தெரிவிக்கலாம்.

மேலும், வேளாண்மைப் பொறியியல் துறையின் மூலம் மாநில அளவில் உள்ள தனியாா் அறுவடை இயந்திரங்களின் பதிவு எண்கள், தொலைபேசி எண்கள் சேகரிக்கப்பட்டு, உழவன் செயலியில் பதிவேற்றம் செய்யப்பட்டுள்ளது.

அறுவடை இயந்திரம் வைத்துள்ள உரிமையாளா்களை நேரடியாகத் தொடா்பு கொண்டு இடைத்தரகா்கள் இன்றி அறுவடை இயந்திரங்களைப் பெற்று பயன்பெறலாம் என்றாா் அவா்.