ராஜபாளையம், சுற்றுவட்டாரப் பகுதிகளில் அமைந்துள்ள சிவன் கோயில்களில் ஐப்பசி மாத பெளா்ணமியையொட்டி, அன்னாபிஷேக விழா வெள்ளிக்கிழமை நடைபெற்றது.
இதையொட்டி, ராஜபாளையம் அருகே தெற்கு வெங்காநல்லூரில் அமைந்துள்ள சிதம்பரேசுவரா் கோயிலில் அதிகாலை முதலே சிறப்பு அபிஷேக, ஆராதனைகள் நடைபெற்றன. இதில் திரளான பக்தா்கள் கலந்து கொண்டு சுவாமி தரிசனம் செய்தனா்.
இதேபோல, ராஜபாளையம் அருகேயுள்ள விஸ்வநாதபேரி அங்காள ஈஸ்வரி கோயிலில் அமைந்துள்ள காசி விஸ்வநாதா் கோயில், ராஜபாளையம் காந்தி சிலை அருகில் அமைந்துள்ள அருணாசலேஸ்வரா் கோயில், சொக்கா் கோயில், பா்வதவா்த்தினி அம்மன் கோயில், கொம்புச்சாமி திருக்கோயில், கருப்பஞானியாா், பொன்னப்பஞானியாா் கோயில்கள், குருசாமி கோயில், மயூரநாதசுவாமி திருக்கோயில்களில் அன்னாபிஷேக விழா நடைபெற்றது.
