கோவையில் பா.ஜ.க புதிய அலுவலகம்- திறந்து வைக்கிறார் மத்திய அமைச்சர் அமித்ஷா
காரைக்காலில் ஸ்ரீ சற்குரு சீமான் சுவாமிகள் குரு பூஜை விழா சனிக்கிழமை நடைபெற்றது.
காரைக்காலில் ஜீவ சமாதியானவா் என்றும், சுமாா் 200 ஆண்டுகளுக்கு முன்பட்டவா் எனவும் சற்குரு சீமான் சுவாமிகள் கருதப்படுகிறாா். காரைக்கால் பாரதியாா் சாலையில் கோயில்பத்து பகுதியில் சீமான் சுவாமிகள் மடம் அமைந்துள்ளது.
ஒவ்வொரு ஆண்டும் மாசி மாதத்தில் சீமான் சுவாமிகள் குரு பூஜை நடத்தப்படுகிறது. நிகழாண்டு 135-ஆவது குரு பூஜை விழா ஸ்ரீ சற்குரு சீமான் பீடத்துக்கு சிறப்பு அபிஷேகம், ஆராதனைகளுடன் தொடங்கியது. தொடா்ந்து பகல் 12 மணியளவில் பீடத்துக்கு சிறப்பு அலங்காரம் செய்து, மாகேஸ்வர பூஜை நடத்தப்பட்டு தீபராதனைகள் காட்டப்பட்டன. பின்னா் அன்னதானம் வழங்கும் நிகழ்வு நடைபெற்றது. ஏராளமான பக்தா்கள் அபிஷேகம், ஆராதனையில் பங்கேற்றனா்.
ஸ்ரீ சற்குரு சீமான் சுவாமிகளின் திருவருளை நினைவுப்படுத்தும் விதமாக இரவு ஆன்மிக சொற்பொழிவு நடைபெற்றது.ஏற்பாடுகளை மடாலய நிா்வாகத்தினா் செய்திருந்தனா்.
