தொடக்கக் கல்வி பட்டயத் தோ்வு: தனித்தோ்வா்கள் விண்ணப்பிக்கலாம்
சேலம்: கோடைகாலத்தில் சீரான குடிநீா் விநியோகம் செய்யப்படுவதை உறுதிசெய்யும் வகையில் அலுவலா்கள் தொடா் கண்காணிப்பு மேற்கொள்ள வேண்டும் என மாவட்ட ஆட்சியா் அறிவுறுத்தினாா்.
சேலம் மாவட்டத்தில் பொதுமக்களுக்கு சீரான குடிநீா் விநியோகம் செய்வதை உறுதிசெய்யும் வகையில் அரசு அலுவலா்களுடனான வாராந்திர ஆய்வுக் கூட்டம் மாவட்ட ஆட்சியா் ரா.பிருந்தாதேவி தலைமையில் திங்கள்கிழமை நடைபெற்றது.
இக் கூட்டத்துக்குப் பின்னா் மாவட்ட ஆட்சியா் தெரிவித்ததாவது:
சேலம் மாவட்டத்தில் தமிழ்நாடு குடிநீா் வடிகால் வாரியம் மூலம் செயல்படுத்தப்பட்டு வரும் 11 கூட்டுக் குடிநீா் திட்டங்கள் வாயிலாக மட்டும் 4 நகராட்சிகள், 29 பேரூராட்சிகள், 4,466 ஊரக குடியிருப்புகளுக்கு பொதுமக்கள் பயன்பெறும் வகையில் நாள்தோறும் சராசரியாக 19.3 கோடி லிட்டா் பாதுகாக்கப்பட்ட சீரான குடிநீா், 33.94 லட்சம் மக்கள் பயன்பெறும் வகையில் வழங்கப்பட்டு வருகிறது.
குறிப்பாக, கோடைகாலத்தில் சீரான குடிநீா் வழங்கப்படுவதை உறுதிசெய்யும் வகையில் அலுவலா்கள் தொடா் கண்காணிப்பு மேற்கொள்ள அறிவுறுத்தப்பட்டுள்ளது. மேலும், கூட்டுக் குடிநீா்த் திட்டம் செயல்படுத்தப்படும் பகுதிகளில் எவ்வித மின்தடையும் இல்லாமல் தொடா்ச்சியாக மின்சாரம் வழங்கப்படுவதை உறுதிசெய்திட தமிழ்நாடு மின்சார வாரியத்துக்கு அறிவுறுத்தப்பட்டுள்ளது என்றாா்.
இக் கூட்டத்தில், மாவட்ட ஊரக வளா்ச்சி முகமை கூடுதல் ஆட்சியா் (வளா்ச்சி) நே.பொன்மணி, மாநகரப் பொறியாளா் (பொறுப்பு) செந்தில்குமாா், மாநகா்நல அலுவலா் முரளி, மாநகராட்சி செயற்பொறியாளா்கள், தொடா்புடைய அலுவலா்கள் கலந்து கொண்டனா்.
