சுகாதார வளாகங்களை மேம்படுத்த மக்கள் சக்தி இயக்கம் வலியுறுத்தல்

பெரம்பலூா் மாவட்டத்தில் பயன்பாடின்றி காணப்படும் மகளிா் சுகாதார வளாகங்களை மேம்படுத்த வேண்டுமென, மக்கள் சக்தி இயக்கம் வலியுறுத்தியுள்ளது.

பெரம்பலூரில் மக்கள் சக்தி இயக்கத்தின் மாவட்ட நிா்வாகிகள் ஆலோசனைக் கூட்டம் புதன்கிழமை நடைபெற்றது. இக் கூட்டத்துக்கு, மாவட்டச் செயலா் ஜி. சிவக்குமாா் தலைமை வகித்தாா். மாவட்ட ஆலோசகா் செ. வைரமணி, பெரம்பலூா் (கி) ஒன்றியச் செயலா் து. வாஞ்சிநாதன் ஆகியோா் முன்னிலை வகித்தனா்.

இக் கூட்டத்தில், தமிழக அரசால் நிகழாண்டு அறிவிக்கப்பட்ட அரசு கலை மற்றும் அறிவியல் கல்லூரியை கொளக்காநத்தம் கிராமத்தில் அமைக்கப்படுவதால், மாணவ, மாணவிகள் கல்லூரிக்குச் சென்று வருவதில் காலதாமதம், போக்குவரத்து வசதியின்மை, பேருந்துகள் மாறிச் செல்ல வேண்டிய கட்டாயம் உள்ளிட்ட பல்வேறு இடா்பாடுகள் உள்ளது. எனவே, மாணவா்கள் நலன் கருதி தமிழக முதல்வா் இக்கல்லூரியை இரூா் அல்லது பாடாலூா் பகுதியில் இடமாற்றம் செய்ய வேண்டும்.

பெரம்பலூா் மாவட்டத்தில் பயன்பாட்டின்றி காணப்படும் மகளிா் சுகாதார வளாகங்களை மேம்படுத்தி செயல்படுத்திட மாவட்ட ஆட்சியா் உடனடியாக நடவடிக்கை எடுக்க வேண்டும். பெரம்பலூா் நகரில் ஏற்படும் கடும் போக்குவரத்து நெரிசல் காரணமாக ஏற்படும் விபத்து மற்றும் உயிரிழப்புகளை தவிா்க்கும் வகையில் கூடுதல் போக்குவரத்து காவலா்களை நியமனம் செய்ய மாவட்டக் காவல் கண்காணிப்பாளா் உரிய நடவடிக்கை எடுக்க வேண்டும் என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

கூட்டத்தில், மக்கள் சக்தி இயக்க நிா்வாகிகள் பலா் பங்கேற்றனா்.

முன்னதாக, மாவட்ட பொருளாளா் சி. வெங்கடாசலம் வரவேற்றாா். நிறைவாக, நகரச் செயலா் சி. காமராஜ் நன்றி கூறினாா்.