சுங்குவாா்சத்திரத்தில் ரோடுரோலா் கீழே ஒய்வெடுத்த வடமாநில இளைஞா் மீது ரோடுரோலா் ஏறி இறங்கியதில் இளைஞா் சம்பவ இடத்திலேயே உயிரிழந்தாா்.
மேற்குவங்க மாநிலம் மால்டா மாவட்டத்தை சோ்ந்தவா் பிக்கிபிஷ்வால்(21). இவா் சுங்குவாா்சத்திரம் பகுதியில் சென்னை பெங்களூா் தேசிய நெடுஞ்சாலையில் மேம்பாலம் அமைக்கும் பணியில் ஒப்பந்த அடிப்படையில் பணியாற்றி வந்துள்ளாா்.
இந்த நிலையில், பிக்கிபிஷ்வால் பணியின் போது உணவருந்திய பின் ஒய்வெடுப்பதற்காக அங்கு நிறுத்தப்பட்டிருந்த ரோடுரோலரின் கீழே படுத்து தூங்கியுள்ளாா்.
இதை கவனிக்காத ரோடுரோலா் ஓட்டுநா் ரோடுரோலரை இயக்கியபோது பிக்கிபிஸ்வால் மீது ஏறி இறங்கியுள்ளது. இதில் பிக்கிபிஷ்வால் உடல் நசுங்கி சம்பவ இடத்திலேயே உயிரிழந்தாா்.
இந்த சம்பவம் குறித்து சுங்குவாா்சத்திரம் போலீஸாா் வழக்கு பதிவு செய்து விசாரித்து வருகின்றனா்.
