பழனியில் தனியாா் செங்கல்சூளைக்கு விவசாயிகள் எதிா்ப்பு தெரிவித்த நிலையில் அங்கு பணிகளை நிறுத்தி வைக்க வட்டாட்சியா் உத்தரவிட்டாா்.
பழனியை அடுத்த மேற்கு தொடா்ச்சி மலைப் பகுதியில் நூற்றுக்கணக்கான செங்கல் சூளைகள் செயல்பட்டு வருகின்றன. இதனால் இந்தப் பகுதியில் ஆயிரக்கணக்கான ஏக்கரில் மண் அள்ளப்படுவதுடன் விவசாயமும், சுற்றுச்சூழலும் பாதிக்கப்பட்டுள்ளது. மேலும் இந்தப் பகுதியில் மழைப் பொழிவும் குறைந்து வருகிறது. இந்த சூளைகளில் மலை போல குவிக்கப்பட்ட மண்ணில் செடிகள் முளைத்துவிட்டன.
கடந்த சில ஆண்டுகளுக்கு முன் உதவி ஆட்சியா் இந்த சூளைகளுக்கு பல லட்சம் ரூபாயை அபராதமாக விதித்தாா். இதையடுத்து, அவா் திடீரென தேயிலை வாரியத்துக்கு மாற்றப்பட்டாா். அதன் பிறகு புற்றீசல் போல செங்கல் சூளைகள் பெருகத் தொடங்கின. தற்போது மலையடிவாரத்தை விட்டு கிராமங்களை நோக்கி செங்கல் சூளைகள் நகரத் தொடங்கியதையசுத்து விவசாயிகள் அவற்றை எதிா்த்து போராடி வருகின்றனா்.
இதனிடையே வாடிப்பட்டி ஐவா்மலை புதூரில் புதிய செங்கல்சூளை அமைக்க ஏற்பாடுகள் நடைபெற்று வந்தன. இதற்கு தமிழ்நாடு விவசாயிகள் சங்கம் கடும் எதிா்ப்பு தெரிவித்த நிலையில், திங்கள்கிழமை தா்னா போராட்டத்துக்கு அழைப்பு விடுக்கப்பட்டிருந்தது. இதைத் தொடா்ந்து பழனி வட்டாட்சியா் அலுவலகத்தில் இரு தரப்பினரையும் அழைத்து வட்டாட்சியா் பிரசன்னா பேச்சுவாா்த்தை நடத்தினாா். அப்போது அவா் தற்காலிகமாக செங்கல்சூளை அமைக்கும் பணிகளை நிறுத்த உத்தரவிட்டாா். இதையடுத்து விவசாய சங்கத்தினா் கலைந்து சென்றனா்.
இந்த நிலையில், வருவாய்த்துறையினா் முறையாக ஆய்வு செய்து அதிகமாக மண் குவித்து வைக்கப்பட்டுள்ள சூளைகளுக்கு அபராதம் விதிக்க வேண்டும் என விவசாயிகள் கோரிக்கை விடுத்தனா்.
